عدد النقاط : 167
حياك الله اخوي الباريسي والله انك جبتها على الجرح كنت ناوي اكتب موضوع بهذا الخصوص وشفت موضوعك وقلت ارد عليه واسرد لك وش اللي سويته من خلال تجريتي للفحمات ياطويل العمر انا قبل لا اكمل ال10 الاف كيلو يعني 9ونص تقريباً اشتغلت عندي لمبة الجلنط في بداية الامر كانت تشتغل شوي وبعدين تروح ومع الايام صارت تشتغل مرة وحده وانا استغربت منها السيارة توها جديدة وتصير فيها مشكله .؟؟. فيوم كملت ال10الاف دخلتها للتشييك وقلت لهم عنها قالوا احتمال تكون فحماتك مستهلكه !!!! سلامات السيارة جديدة وماني راعي سرعة وشلون؟!!.... يقولي المهندس كل واحد وعلى حسب سواقته ؟؟؟ <--الكلام هذا ما خش في راسي وغير منطقي يعني لو اني راعي مقاومات وغيرها يمكن ينطبق علي بس قالي ان السيارة يعيبها وزنها الثقيل لان كل الوزن تتحملة الفحمات والهوبات وعشان كذا نصحني عند السرعات او عندي اي شي اني استخدم القير العادي في تخفيف السرعه عشان تساعد الفحمات ويزيد من عمرها <---هذا منطقي والمهم رد علي من بكرة وقالي لازم تغير الفحمات عشان تطفأ لمبة الجلنط؟ انا على نياتي ساعتها وقلت اوكية توكل على الله <---مادريت ان زيت الفرامل كان ناقص وزده وتطفئ اللمبة بكل سهوله بس تأثرت الفحمات على كلامه!!! وغيرتها بدون خرط هوبات <--- اكبر غلط وكلفتني 242ريال غير شغل اليد ومع شغل اليد زد عليها 280 تقريباً المهم المجموع 520 ريال <--غالية جداً المهم مرت الايام والسنين وامس ياطويل العمر اللي هو الثلاثاء توني مغيرها مرة ثانية بعد ما مشيت بها 36الف بس هالمرة صوت الهوب ينسمع في آخر الحارة والسبب اني غيرتها في المرة الاولى ولا خرطت الهوب بس حللت ابو الفحمات على اني منيب اسرع بها واجد وغيرتها من الصناعية القديمة اللي على طريق الخرج وقطعه الفحمات صناعة امريكية وسعرها 178 ريال و الخرط والتركيب بـ90 المجموع 286 ريال رخيصه صراحه ماتوقعتها واسف على الاطالة من جد طولت عليكم