عدد النقاط : 326
السلام عليكم كيف حالكم ياخوان ؟ عساكم بخير .... ياخوان حبيت اقولكم سالفة حقيقة حصلتلي في سيارة الوالد مرسيدس فياقرا 2003 s350 كامل المواصفات وربي السالفة هذه حقيقة وحصلتلي قبل أسبوع او عشر ايام انا ولد عمري 17 كنت راجع مع الشباب من السن سيت (شاليهات بالشرقية) على طريق العزيزية الساعة كانت حوالي 4 صباحا وانا راجع مع الشباب كنا مستانسين ومعلين الصوت ومروووقين حيييل كان بالطريق فيه لكزس ls 430 جديد شكله 2006 طلعت انا وياه لين 250 كم تقريبا وفجأة خفف بقووة راعي اللكزس وقام يكبسلي بالنور التفت بالمرايا اشوفه يكبسلي بصورة هستيريه كان يبي ينبهني انه الطريق ملتوي انا مانتبهت وجتني كسرة اليمة لليسار الطريق ملتوي لليسار وانا ماشي 250 كم تقريبا انا طاح قلبي يوم شفت انه فيه كسرة لليسار شوي واتشهد ياجماعة شفت الموت بعيني واتوكل على الله والف الدركسون بقوة لليسار وانا كنت متوقع انه السيارة بتهج عن الطريق وبتنقلب لانه السرعة جنونية وصار شي ماتوقعته ............................... يوم لفيت الدركسون لليسار وانا ماشي 250 كم لفت معاي المرسيدس بانسيابة وثبات ورساوة ماكذب اشتغل نظام التحكم في ثبات السيارة EBS لكن ماشالله ماحسيت بشي السيارة كانت ثابتة مرة وماسكة وفيها رساواة غير طبيعية وطبعا كنت خايف حيل لكن المفروض اللي معاه مرسيدس مايخاف وهذه سالفة حقيقة صارتلي قبل اسبوع عشر ايام تقريبا وحبيت اذكرها لاني شفت الشباب يفضلون اللكزس على المرسيدس ياجماعة تقارنون الفضة بالذهب ؟ تقارنون السدحان بالقصبي ؟ ياجماعة اسمحولي المرسيدس لايعلى عليه الكزس مافيها نص مواصفات المرسيدس ولا فيها ربع ثبات او رساواة المرسيدس واكبر دليل اللي صارلي شوفوا اللكزس هدى وخفف لانه يدري انه موتره بيهج زي الددتسن انا صدق غلطت ومانتبهت لكن ماشالله لاإله إلا الله رساواة زي هذه ماشفت اللفة كانت اليمة وقوية لليسار وانا كنت ماشي 250 كم و المرسيدس خذتها سلام سلام هذه سيارة الوالد مرسيدس فياقرا 2003 S350 مابالكم في البيبي مايباخ (البانوراما) اكيد اضافوا اليها مواصفات افضل وياجماعة اذكروا الله وصلو على النبي وجزاكم الله خير