السلام عليكم ورحمه الله وبركاته هذي بصراحه اول مشاركه لي بالمنتدى واحب اشكركم على الجهود الرائعة لشرح مواصفات السيارة وعندي محورين ابي اتكلم فيهم وياليت تتحملوني
الاول : ان من الغريب انه ماحد تطرق للفروق بين الافالون 2005 و2006
لانه اضيف اليها كما قيل وشاهدت :
+ حساسات في الخلف
+ تدفئة وتبريد مراتب
+ نظام التوازن والتحكم الموجود في اللكزس (على ماعتقد Trc او زي كذا)
المحور الثاني:
انا رحت احجز عند الوكاله واستقبلوني بجملة الاحباط المشهورة (ترا بتوصلك على الاقل 6 شهور) هذا الكلام قبل شهر تقريبا لكني بصراحه طفشت وقررت اشتريها من المعارض وحصلتها باسعار مرتفعه حسب اللون ومن الالوان اللون الؤلؤي ب128000 واذا انك جازم ب126000 لكن من فتره روادتني فكرة ان اشتريها من برا السعودية او بالاخص من امريكا لكن ذاك الوقت ماكانت السعودية داخل منظمة التجارة وشلت الفكرة من راسي لكن الحيين بعد مادخلت السعودية المنظمة وبعد ماشفت موضوع الاكسسوارات + الامان اللي موجود بالسيارة الامريكية وعندنا للاسف لا قررت اشتريها من برا وحصلت كم موقع تعرض فيه الافالون بفئاتها الاربع وافضلها الليمتيد وتطلع عندهم تقريبا ب128000 لكن بمواصفات زيااااااااااادة عن حقت الوكالة من المواصفات:
+ شاشة النافقيشين
+ الاشارة بالمراية
+ الزوايد الجانبية(الزعانف)
+ الاوامر الصوتية الموجودة في الدركسون وغيرها ومن اراد تفاصيل فعندي ملف فيه تفاصيل كل الفئات
واذا تبون ارفعه لكم
بصراحه حبيت اشوف من متحمس وخاصة انه قيل لي ان السيارات الجديده ماعليها جمرك؟؟؟ ولكن في اسوأ الحالات راح يكون الجمرك 5%
أبي رأيكم ومشورتكم بالفكرة وبالنسبه للضمان فان عبداللطيف جميل راح يضمنها وهو يضحك (هذي فايده منظمة التجارة
) اتمنى مااكون طولت عليكم والسلام عليكم