[ابوفيصل]

السلام عليكم ورحمة الله

امس الاربعاء وديت السيارة للصيانة السريعة

وقلت بالمرة خلني اسويلها تلميع داخلي لان السيارة لها عندي سنتين

والفرش والمقاعد محتاجين تلميع ، واذكر ان شخص مدحلي التلميع عند الوكالة

وكنت اتوقع ان السيارة تاخد عندهم يوم في التلميع قلت مافي مشكلة

وحطيت السيارة عندهم الصباح ومشيت ...

قبل المغرب قلت خلني اتصل واشوف ، كلمت المهندس قالي السيارة جاهزة

قلت الله يستر لايكون استعجلو عليها وما لمعوها تمام

ورحت استلم السيارة ، ولكن الحقيقة اتفاجأت السيارة ما شاء الله بدون مبالغة كانها جديدة

الفرش نظيف والطبلون يلمع والمقاعد بين لونها حتى الادراج اللي في الوسط واللي قدام الراكب منظفينها وملمعينها ، والشنطة والابواب ، وفتحات المكيف

تصدقون كان تبريد المقاعد عندي ضعيف شوي وبعد التلميع لقيت دفع الهوا والبرودة زادت

يمكن ما تصدقون ... الغطاء البلاستيك اللي على العدادت كان فيه خدوش بسيطة اختفت

والله حسيت اني مرتاح والسيارة ماشاء الله رجعت كانها جديدة

طبعا قيمة التلميع الداخلي عندهم بـ 300 ريال

هذه تجريتي وانطباعي عن التلميع الداخلي عند الوكالة

ان شاء الله الموضوع يكون فيه فايدة لكم

وتحياتي للجميع

اخوكم / ابوفيصل