السلام عليكم ورحمة الله وبركاته
بينما كنت أبحث عن قصائد الشاعر : مرير بن عبدالمحسن الحبيل العتيبي قصائد صوتيه فلم أجد له أي قصيدة من قصائده الجميلة والتي يمدح فيها vxr فوجت هذا الشخص يمدح موتره بقصيدة ردا على قصيدة مرير الحبيل بـ vxr فسأكتب لكم قصيدة مرير الحبيل ثم أضع لكم صورة لسيارة الشخص الذي يمدح موتره وقصيدته
راكب اللي لا مشى الخـط الطويـل *** لو مشى يومين مـا جـاب الملـل
اسمحولي باصفـه وصـف قليـل *** عقب وصفي يا عسى دربه سهـل
اقصد الفكس آر مـا غيـره بديـل *** لعنبو مـن صممـه ليـن أكتمـل
امدحه وان ما مدحت آخر موديـل *** ويش ابمدح موترن غيـره اجـل
وآرد اليابـان ماجـالـة مثـيـلآ *** قطمـن فالسـوق مامثلـه نـزل
ابيض لونـه مثـل زبـدة صميـل *** وارثمن خشمة مثل خشـم الفحـل
لون زيكه لمعت السيـف الصقيـل *** لمـع برقـا َفـي خيـال منهمـل
والعلامـه لا سـرى مثنـاة ليـل *** فـي جبينـه كنهـا كوكـب زحـل
والإشـارة لونهـا جمـرن كليـل *** يتلالـى مثـل منـتـوج النـحـل
والخطوط بشاشتـه صفـة بصيـل *** تزهـر أرقامـه مثـل ورد النفـل
والأزره داخـل الكشـن الجمـيـل *** دايـرن يـا حجمهـا كبـر الهلـل
ويتهـزى مثـل نقـاض الجديـل *** ومنوتـه مثنـاة خطـاً لا انسحـل
ويتنهـض لابرمـه بالقـاع ويـل *** وان بغيتـه يعتلـي راس الجبـل
كن تشيله عن عزاز الأرض شيـل *** وفيه مـن قـدام دفرنـش الدبـل
اسـودً كنـه حصـاة مـن حقيـل *** للنـفـود مصمميـنـه والـوحـل
مـاورد مثلـه مواتـر مستحيـل *** أن رضى راعي السفاري وان زعل
الجيوب آوصافهـا بالـراس خيـل *** من خويـه جيـب ماجـاه الزمـل
افترد عبد اللطيـف لهـن وكيـل *** وعامل اليابـان وانصـح بالعمـل
فوقه اللي لامشـى الغـدرى دليـل *** ويتحمـل للشقـى مثـل الجـمـل
في نزولي عـن طريقـه مايميـل *** ولا نخيتـه ماتمـشـى بالمـهـل
حوله مع حافـة الضلـع المهيـل *** لين عنهـا طويـق قـدام انعـزل
ما سمحله يا عسـى جالـه يسيـل *** لو سمحلـه قيـد سواقـه وصـل
ولاتسـاوى مـره مراتـاَ يعـيـل *** ولا تعدا مـن ورا شقـرا أنعـدل
ثم تنهض ما بقى لـو كـان ميـل *** داخـل الطبلـون والخـط النحـل
وشد حيله ما بقى في الحال حيـل *** لين ضاق الكون جاء كبـر الدحـل
والهواء عن رفرفه جالـه شخيـر *** راسي ومرسـي عـرض العجـل
المراكـز ماتعـرض لـه سبـيـل *** خابرينـه عـن هدفهـم مستقـل
تم تنصل للأصيـل ابـن *** لا وصلتـه بصفطـه قـدم المحـل
تاجد اللي داخـل المجلـس ثقيـل *** ولا تكلـم مـا تلـفـظ بالـزلـل
الكـرم تلقـى اولـه بـن وهيـل *** والسوالـف والحجـاج المسفهـل
والشبـب ومعزبـك ذبـاح حيـل *** تفعلـه يمنـاه لا جــاه الشـلـل
قـل لأبونيـان كسـاب الجمـيـل *** وش رايك ندرج اسمـك بالسجـل
غنـوا الشعـار ومريـر الحبيـل *** تيحـة الفرصـه لرجـالً يـحـل
واستلم ماقيـل واجنـي بالحصيـل *** واركب المبروك وارجع لي عجـل
.................................................. .................................................. ....
وهذه صورة سيارة صاحب القصيدة التي قال فيها القصيدة ومعها القصيدة
قل لمن يمدح لنا ال في اكس ار *** كوكب المريخ اقرب من زحل
ليت قبل يقول ما قال استشار *** كان علمته بتفصيل الجمل
يمكن يعدل في رأيه والقرار *** ويمدح الأفضل في اشعاره بدل
ادري ان أحيان صعب الاختيار *** والرجوع الصعب خير من الفشل
موتري ريكستون على طول اشتهر *** بين كل الناس يوم انه نزل
كوريا صنعته للناس الكبار *** والحمول الجايرة لها جمل
جابه الزاهد وللزاهد شعار *** تاجر ناجح ولا عمره فشل
قبلنا ساقه عميد ومستشار *** لا شي به علة ولا شي به خلل
مدهش للعقل خاطف للنظر *** من تشوفه حار عقلك واختبل
رايع في المشي اذا خذ له مسار *** ماسك خطه وعنه ما عدل
دورته فن اذا لف لف ودار *** وطلته روعة اذا اقبل وطل
مكنه الماني عليها الاستكر *** وقيره الماني وازراره دبل
المواتر كلها منه تغار *** لا قربت منه يعروها الخجل
لو يطول الخط ساره ثم سار *** ماتمله لا ولا الريكستون يمل
لا عطيته دعسة في الحال طار *** في وقتٍ قياسي لمقصوده وصل
تسمع الحنه وتبصر له غبار *** لا لمحته رايح والا قفل
الطريق الصعب ياخذها هزار *** ما يهمه سهل يمشي او جبل
ان مشا يمشي بخطه ماعثر *** كان خطه يابس والا وحل
ان تبي تطلع شدا والا شعار *** استعن باللي لها الموقف اهل
في مسيره لها مهارة واقتدار *** البطولة دوم ياخذها البطل
علمأً أن سيارته تسمى ( ريكستون )