[اسمي]

السلام عليكم ورحمة الله وبركاته

يا اخواني عندي عدة مشاكل
طبعا الكامري اللي معي 2007 جي ال قير اتوماتك والمشاكل هي :

1/ المسجل يطفي .. لدرجة الكهرباء تفصل .. مو على طول .. في مواقع معينه فقط
لما اكون في محل عنده ابراج تلفزيون او اعمده كهرباء ضغط عالي .. ما ادري وش المشكله
رحت للوكاله قالو راح نكشف ونرفع فيها واذا جاء الرد نتصل فيك .. وسحبوا علي .. وش الحل ؟
مع العلم اني مارحت للصيانه الا مره وحده فقط عند 5000 كم

2/ انا طحت في حفره وانعدم الجنط و استبدلته بالاسبير لكن اللي حصل ان السياره فيها رجه وكذلك حذفه يسار .. كانت الرجه خفيفه لكن مع كثر الحفر عندنا بالشرقيه صارت ترج تقريبا على طول .. وتتزايد مابين 140 الى 160 .. قالو روح سوي لها ترصيص ارضي .. سويت نفسك اللي قالو عليه ..صحيح احسن لكنها مازالت .. وش الحل ؟ هل تتوقعون في الاذرعه او وش المشكله ؟

3 / صدمت في كفر تريله طايح بالطريق ( طريق الرياض ـ الطائف ) .. طبعا صار في الصدام الامامي
كسور خفيفه .. وانا ما احب اشوف السياره كذا.. رحت لكذا ورشه بالصناعيه قالو لازم نسويه عند محلات الفيبر جلاس ونرش الصدام فرن
لكن متردد .. اخاف ارشه مايضبط .. يمكن تنسلخ البويه مع الوقت او العجاج او يقلب لون البويه .
فهل ارشه واتوكل على الله .. وهل يمكن ان البويه تنسلخ ؟ او اخليه كذا ؟.. لان بصراحه الوكاله غالين وانا عندي الميزانيه ماتسمح .
واذا كان تنصحوني ارشه .. فهل من الممكن يا اهل الشرقيه تدلوني على ورشه يعرف يضبطه من ناحية الشغل والبويه ؟

4/ بالنسبه للصيانه الدوريه .. مثل ماقلت سابقا انا مارحت لهم الا مره وحده عند 5000 كم والحين
ماشيه 40000 كم .. لو رحت لهم الحين كم راح ياخذون مني ؟ لان في واحد من الشباب يقول يحسبون
الكيلوات اللي راحت عليك .. فهل هذا صحيح ؟ وكم تتوقعون راح ياخذون ؟

هذا اللي عندي وماعليش ثقلنا عليكم سامحونا
اللي عنده خلفيه عن ذي الامور تكفون يساعدنا
الله لايهينكم
اخوكم
ماجد العتيبي