[عويشق]

[align=center]السلام عليكم ‘‘



أبشركم شريت لاندكروزر

وأبغا خدمه منكم وإنشالله منتوب مقصرين ..

ودي أخشب الدركسون والقير

وأبغا محل تخشيب شغله حلو وسعره حلو ..




وأبغا أركب سيدي علماً ان مسجل الموتر موجود فيه زرار سيدي

يعني يبغالي الجهاز بس

وما أعرف أسعارها بالسوق

وياليت واحد ينصحني بمحل ويعلمني بأسعارها ..




وعندي في الموتر تنسيم في البيبان والمشكله في الربلات

وقيمة الربلات غاليه بالوكاله ومدري وش السواة

وإذا كان في حل حلو لاتبخلون به تكفوووون ..



والخطوط اللي تجي على البيبان ودي أقشعها

ويقولون فيه محلات متخصصه في هالأمور

ومدري وينها فيه ؟؟





وأخيراً

ياليت يأهل الخبره تعطوني أسعار

الاسطبات الخلفيه كامله

والجنوط

والشبك الأمامي

للــ vxr موديل 2003

غير أسعار الوكاله





وأتمنى الطلبات هذي تكون في الرياض ..

عارف اني غثيتكم بكلمة (( أبغا ))

بس لاتلمون واحد توه شاري موتر ويبغا يبز به

وخصوصاً ان الشتاء جاي


أنتظر ردودكم على أحر من الجمر [/align]