بسم الله الرحمن الرحيم
اخوي فهد يوسف,,,,,,
السلام عليكم ,,,,,,,,,
1- انت تقول مو من المعقول اني ابجل اللكزس وابخس حق السيارات الالمانية .
انا مابخست حق السيارات الالمانية بالعكس . ولا بجلت اللكزس انا اتكلم من شي مشهود له على مستوى
العالم وهو ان اللكزس عملي وقليل الاعطال وسيارة تمسك سعرها اكثر من الالماني بكثير وهذا ما يجي
من فراغ بل من عمل متعوب علية بدون اي تعقيد .
2- انت تقول ان اللكزس وليدة الامس .
اخوي فهد اشكر على هذا الإطراء بقولك وليدة الامس تدري ليش لان شي مو معقول انه سيارة
تعتبر وليدة الامس وبمجرد نزوله الى الاسواق تقلب الدنيا راساً على عقب وتحتل المراكز الاولى في
تصنيف السيارات على حساب السيارات العريقة من جميع الماركات وهذا يعتبر نقص في السيارات
العريقة للأسف ولا كيف سيارة وليدة تضرب السوق بهذه القوة وهم يتفرجون .
لاكن السيارة الوليدة صحت الناس النائمه وكان لها فضل كبير في التطور الهائل في عالم السيارات
اليوم .
3- انت تقول السوق الأمريكي نقطة بحر في الأسواق العالمية .
للأسف كلامك غير صحيح لأن جميع المصنعين يضعون السوق الأمريكي صوب اعينهم نظراً للقوة
الشرائية والكثافة السكانية .
4 - انت تقول اللكزس سيارة عادية وهي اولاً واخيراً تويوتا وعدت من اشواط التتابع 5% .
بالنسبة للكزس مايحتاج اعيد كلامي السابق
اما بالنسبة لقولك اولاً واخيراً هي تويوتا
ياخوي فهد ترا انت زي اللي يبي يحجب ضوء الشمس بيده
شركة الاولى على مستوى العالم فاقت مبيعاتها التسعه او العشرة مليون سيارة تعتبرها عادية !!!!!!!!
وين الالماني عن المبيعات هاذي
بل ان الكرولا مبيعاتها فاقت 15 مليون سيارة من اول مانزلت الى الآن
اذا ما كنت غلطان ان السيارات الالمانية اتوقع لو تجمع مبيعاتها كلها ما توصل الكرولا
وانا مايحتاج اعدد سيارات تويوتا ولا فيه اللاندكروزر والكامري والكراون والهايلوكس وووووووو
ممن يشهد لها بالنجاح على مستوى العالم ...
5- بالنسبة للسلامة والأمان يوم تقول ان المرسيدس لو تمشي 200كم امن من لكزس 460 اذا بنشر كفر
والله شي غريب الحكم هذا ؟؟؟؟؟؟
انا ابقولك قصة صارت لي والله العظيم ما اكذب وحنا في هالرمضان .
انا كنت امشي ومعي سوبرا موديل 1992م والله العظيم اتني امشي 230كم في الساعة
وفجئة تتجاوزني لكزس موديل 1992 او 1993 ls400 زي السلام عليكم شكلة اذا كنت ماني غلطان يمشي 250 او 260 وفجئه اسمع انفجار الكفر على طول أول ماتعداني والله العظيم انة ماطلع من مسارة ولا حذف الموتر ومشى في مسارة لين وقف ووالله ان الكلام صدق مهب علشان امدح اللكزس .