[كونسبت]

المشاركة الأصلية كتبت بواسطة ليكزي

اخوي/ التوهم
حيالله ولد بلادي .. شاكرلك موضوعك خيي ..

على كلام واحد من الربع عنده GS430 يقول:-
البريك لك عليه صراحة .. ومب جامد

وانا عندي GS300 موديل 93 .. والحقيقة نفس المشكلة
عاد انا قمت شسوي .. ادعس على البريك علشان افضيه من الهواء
وبعدها تلاقي الموتر صار احسن .. لكن بعد شوي يرجع يخورها مرة ثانية ..

وبالنسبة للملاحظات الثانية .. غير قيادة السيارة ..
الصراحة الموديلات الجديدة فيها كل المميزات والكماليات اللي تحلم فيها ماشاء الله .. لكن ودي بعد (صج انه مب لازم .. بس لو يكون احسن) :-
- لو تقدر تشغل قنوات تلفزيون على الشاشة يعني نفس السيارات الالمانية (BMW الفئة الخامسة) والامريكية (Cadillac STS) مثلا
- لو يصير تشغل مكينة السيارة عن بعد مثل ( Cadillac STS )
- بعد يبيلها سماعات قوية وفيها طربة مثل ماركة Bose و Boston اللي في السيارات الامريكية والانفينيتي.

غير هذا .. السيارة كاملة والكامل الله .. وتسوى كل درهم تدفع فيها .. والله احسن من السيارات الالمانية اللي اسعارها ما فوقها فوق (خسارة فلوس علـ الفاضي) وقطع غيارها نااااااار x ناااااار وكله تخترب وتتعطل ومكينة ضعيفة تعبانة ومكيف الله بالخير وما فيها نص مميزات اللكزس، لا واللي يقهرني اكثر شيء انه هذا اقل نوع عندهم جذي !! والله مشكلة .. بس اللهم يقولك شكل ورزه والماني ومادري وشو كلام فاضي -----******** اقول استريحوا بس وعشقوا الراحة .. والله عندي اللكزس احلى واحسن منهم بمليون مرة .. صج لي قالوا .. لكزس لك وللزمن

في النهاية .. انا اهني واحيي كل من عنده سيارة لكزس بكل انواعها وفئاتها .. واقوله الله يعطيك خيرها ويكفيك شرها ان شاء الله .. وبالفعل احسنت الاختيار ..

اسمحولي علـ الاطالة .. واتمنى تفاعل من باقي الاعضاء ..

تحياتي للجميع .. ليكزي

عندي نفس سيارتك 93 وفراملها جداً متماسكة ولا فيها اي عيب علماً بأن القماشات لها 3 سنوات

اكيد عندك مشكلة في الفرامل