[عاشق الاوروبي]

السلام عليكم ورحمة الله وبركاته ،،، كيفكم يا اخواني عسى بخير ان شاء الله
راح انزل اول مواضيعي وان شاء الله اقدر افيدكم فيه على الاقل بخصوص العازل الحراري ،،

اولا: العازل منه نوعين في السوق:

* العازل مثل الموجود في الشركات مثل (جونسون ،في كول ، كولاييت ،زيبارت ، الخ )

اسعارها : من 1000 ــ 2500 ريال ...

مميزاتها :
صناعة امريكية ــ ضمان من 5سنوات الى 10 سنوات ضد( الخدش ـ بهتان او تغير اللون ـ الكسر )

ايضا من مميزاتها انهم يقدمون لك تصريح على شكل بطاقة لكي تثبت للعسكري انها نظامية ..

وراح اعطيكم الاسعار اللي حصلته خلال الاسبوعين الاخيرة علما بان الاسعار قابلة للتغير في اي وقت ...

جونسون : 1800 ريال سواء الشفاف او الملون ولكن مسويين عرض الى نهاية رمضان 35% يعني 1170 ريال(خصم 50% في حال تغير او كسر الزجاج )..

سان تيك : 1200 ريال للشفاف و 1000 ريال للملون ..

بروفشيونال : 950 ريال كامل سواء شفاف او ملون ..(عرض خاص)

بانوراما( شركة جديدة ): 1200 ريال كامل للشفاف ـ 1100 ريال للملون (في حال كسر او تغير الزجاج يتم تغييره مجانا)

كول لايت : في حدود 1600 ريال كامل ــ 1400 ريال للملون ...

هذا بخصوص الشركات الكبيرة ...وكلها صناعة امريكية والاسعار يخص تويوتا (كورولا)

* ثانيا:العازل المتوفر في محلات الزينة وهي نوعين وراح ابين مميزاتها واسعارها بالتفصيل :

أ/ العازل الكوري :

ميزاتها : يوجد منه درجة شفافة (00) زيرو زيرو ...

بامكانك تركيبه على الزجاج الامامي (الطبلون) على قطعة واحدة ...

الصناعة كوري اصلي ...

اسعارها : يختلف الاسعار من مكان الى مكان يعني مابين 150 ريال الى 200 كامل السيارة حتى الزجاج الامامي ..بس انت فاصل ...

ب/ العازل الامريكي :

ميزاتها : لايوجد اختلاف بينها وبين الكوري (وجهة نظر)

عيوبها : لايوجد منها درجة شفافة (00) على عكس الكوري ...

حسب كلام الناس انها مغشوشة (العلبة من الخارج مكتوب امريكي والعازل في الحقيقة صيني )

عند تضليل الزجاجة الامامية يتم التركيب على قطعتين ..(والله يعينك من المرور)

اسعارها : من 200 ــ 300 ريال .. فاصل وراح يعطيك ب (200 ريال)

ولو بغيت تشتري اللفة فقط ب (60) ريال ...

نصيحتي تاخذوا الكوري او تضللوا عند الشركات ...

وهذا كل ما لدي واعذروني ع التقصير ... اخوكم عمر