[البيت بيتك]

المشاركة الأصلية كتبت بواسطة ابو كيموو

ااااااااااااااهلين أخوي منتخب أحييك على سؤالك عني وعلى سيارتي ......... أعتذر على غيابي الغريب ....................................... المهم

أنا سالفتي سالفة أنا وهالسيارة الله يستر علي وش بيصير لى منها
السيارة يالربع لها اسبوع ونص في الوكالة من تاريخ اليوم 4-10-2007 تنتظر الى يستلمها بس والدراهم مدفوعة وخالصة
بس العيب فيني أنا المندوب تبع لكزس له اسبوع كل يوم الصباح يتصل على وانا وياه على اتصال دائم راح بيصدر اللوحة ويطلع استمارة لاكن قالوا في مخالفات وأنا ياجماعة مسدد جميع المخالفااات الى على لاكن أطلعت بعد التحريات ومناططي في المرور اسبوع كامل من مرور الناصرية الى مرور الشمال
والله ياعيال كرهت نفسي لى اسبوع الناس صايمه ونايمه وأنا اناقز بين المرو الفلاني ومادري ايش ................................
المهم طلع عندي مخالفات محجوبة وللمعلومية لكم وهذا الى فاقع كبدي ليش مسمينها محجوبة ........ مادري بس قاهرني الاسم
وطبعا المخالفات المحجوبة مو مثل المخالفات العادية الى تسددها من الصراف لا هاذي تسددها شخصيا من مرور الناصرية عند شخص محدد في المرور كله يسمونه مخالفة محجوبة صرت خوية لمدة أسبوع المهم لازم أجيب أوراق من مرور الشمال وأوقعها وأصدرها وأروح لظابط معين يوقع عليها تدرون ليش عشان بعدها أوديها الناصرية وأسددها من صديقي مخالفة محجوووووبة وأبشركم خلصتها اليوم الأثنين وانشالله استلم الموتر اليوم وأعيد وأستانس فيه ............................ الله يستر بس


تحياتي لكم

اخوي يوم جاء يطلع سيارته الجديدة رمضان الماضي كان عنده مخافات على العموم رحنا الصراف سدد جميع المخافات الا واحدة ( محجوبة ) راجعنا المرور وقالوا انت متهاوش مع رجال المرور ومفحط عليهم في عام 1425 وماسكينها لك لما اليوم ولابد من جزاء 1) دفع المخالفة دبل 1) توقيف الشخص
دفعت المخلفة وتوقف الرجال يوم

اكيد ابو كيمو 0000000000000000

ان شاء الله يعطيك خيرها ويكفيك شرها