أخي العزيز الحجيلان....
اشكر لك غيرتك على اهل الخليج أولاً وثانياً على الاند كروزر ...
انا من المعجبين بسيارة اسمها اللاند كروزر من ايام والدي وحتى اللحينة وانا مثلك اول ما شفت الشكل الجديد انصدمت بأنه مختلف تماماً عن 2007 لكن!!!! مع الوقت أكتشفت اني كل يوم يزاد اعجابي بهذا التصميم واللي بيكتسح السوق الخليجي اكتساح وأذا تبي تجرب طريقتي فهي انك تفتح الصور او الافلام التي تعرض تجربة السيارة في الصحاري وبعد اسبوعين او ثلاثة اسابيع عطني رأيك صدقني بتحس انه السيارة صارت احلى واحلى وخاصة مع الزوائد الاصلية الي تجي في السيارة مثل الجناح واللحية الامامية وأكيد مع الونش بتظهر السيارة مرة رهيبة وتأكد من كلامي اللي يسبق تدشين السيارة في السوق الخليجي انا امس شفت مجموعة منها محموله على شاحنة من الميناء وبصراحة رهيب رهيب بكل ما تعنية الكلمة...
الشيء الوحيد اللي مصدوم فيه زيك هو انه بكل أسف تم تأخير نزول محرك 5700 وبقوة 381 حصان في الخليج وهذا سياسة الشركة من حيث انه النيسان باترول سوف ينزل 2009 بمحرك قوة 5600 ولا ادري كم الاحصنة ولكن سوف تكون قريبة او اكثر من 381 حصان وهذا أكيد حيث نرى ان الشركة قررت تنزيل 4700 بقوة 288 حصان نظرا لان الباترول الموجود حالياً في الخليج بنفس القوة تقريبا مع نقص بسيط في عدد الاحصنة والعزم مقارنة بمحرك اللاند الجديد وسوف ينزل محرك اللاند بقوة 5700 مع نزول محرك الباترول 5600 في الخليج والله يرزقنا بعمر لين ذاك الوقت ونشوف.
ولك جزيل الشكر