عدد النقاط : 76
السلام عليكم ورحمة الله وبركاته الى كل من امتلك سيارة اوريون في المنتدى نبي كل واحد يكتب تاريخ امتلاكه للاوريون (بالأحرى طلع بها في الشارع) انا اتوقع اقدم واحد هنا هو محاكيكم لأني كنت متابع لها قبل ماتنزل في النت وجيت للوكاله بالرياض قالو حط فلوسك وبالحجز بعد اسبوع قلت مايمديها انا رجال ابي اعيد مع العالم عيد الاضحى وكلمت واحد من الشباب عند خوييه معرض بجده ونفس اللون اللي ابيه اسود قال حول دراهمك ونرسلها لك وعلى طول تحويل مبلغ وقدره 97500 +250 ريال اجور الشحن لكن ارسلها الله يهديه عن طريق اسوأ نقليات موجودة بالسعوديه الفايز اسبوع كامل وانا كل يوم عندهم ناشب في حلق المصري وكل يوم يقول لسه يابيـــه الين جاء الفرج بتاريخ 27/12/2006 اتوقع مريتوا بنفس الشعور اول ماتشغلها بالزر يوووووووووووووووووه قعدت احميها 10 دقايق من زود الحرص وهاتك فراره بشوارع الرياض وكل مامريت بجنب سيارة ادق العفريته اشوف يطالعون ولا لا طبعا بعد ماطلعتها بيومين على المغسله على طول وهذي صورتين وحده اول ماطلعتها والثانيه بعد الغسيل فيه احد اقدم مني ماتوقع مع اعتذاري الشديد لأخوي الاميره اوريون لتقارب المحتوى في الموظوعين ولكن انا بشكل محدد في التاريخ فقط ملاحظه اكيد بيجي واحد ويقول سلامات والله لو انها لكزس اقول احساس الواحد اول مايطلع سياره وكاله لو انها سيكل وبعدين القلب ومايعشق :rolleyes: