اقتباس:
|
المشاركة الأصلية كتبت بواسطة الـسـلـطـان
السلام عليكم ورحمة الله وبركاته
اليوم حبيت اقول لكم ايش الي ناقص في المواصفات الي المفروض موجوده من الاصل من المصنع
1- رادار تحسس السياره التي امامك ( نظام استشعار يتفقد اذا ما كان هناك سيارة امامك او بعير  وكم يبعد عنك) يوجدد في الدركسون على اليمين
2- زر التحكم بضغط كفرات السيارة (يوجد مفترضا فوق دواسه البنزين والفرامل بجانب زر اطفاء AFS) حتى للعجلة الاحتياطية
3- ازار لفتح باب الكرج بدون الريموت فقط تبرمج الريموت ثم يحل محلها يوجد 3 ازرار فوق ازرار الفتحته
4- تقنية اعطاء السيارة امر البحث عن اقرب مكان كذا وكذا دون اتبحث يدويا ( مثلا تضغط الزر الي عليه صورة رجل يتكلم وتقول ابحث اقرب مسجد مثلا او اقرب طريق سريع او او )
5- زر لفك مانع الانزلاق يوجد تحت الراكب مكان AFS عند السائق ( بدلا من الطريقة المتبعه لفكه)
6- سقف البانوراما موجود من 2007 لكن ابو جميل ما جبها الا 2008 علما بان سعر البانوراما نفس سعر العاديه عندنا
7- نور الطبلون مائل الى الازرق والانوار الامامية ولكن هيئة المواصفات طلبت تغيير اللون من المصنع
والكثير الكثير .....
اتمنى اني افدتكم..... |
وعليكم السلام والرحمه
في البداية أحب اقول يعطيك الف عافية اخي السلطان على هالموضوع ، واسمح لي اعلق تعليق شخصي على كل ميزة من هالمميزات اللي فقدناها في موديلنا السعودي للأسف...
1- بالنسبة لهالميزة فهي معروفة باسم Radar Cruise Control موجودة في أمريكا صحيح لكنها نادرة وللحصول عليها لازم تطلبها طلب خاص من الوكيل وهو بدورة يطلبها من المصنع وراح تأخذ السيارة ثلاث شهور علشان توصل لك بعد الطلب لأنك اساسا ما تقدر تحصل على هالميزة إلا في حال كنت مأخذ كل الخيارات الثانية بعد من أول شيء لأخر شيء من الخيارات، وعلى فكرة ترا فكرة عملها تختلف عن اللي كتبته
فكرة عملها هو انك بعد ما تفعل مثبت السرعة تقدر تغير خيارات المسافة بينك وبين السيارة اللي قدامك من هذا الزر وعندك ثلاث خيارات ثابتة ما تقدر تغيرها. وشيء اخير احب اضيفة ان فيه ميزة ثانية تجي مع هالميزة مع بعض في حال طلبتها وهي نظام التنبؤ بالحوادث التي لا يمكن تفاديها Pre-Collision system.
2- هذي ايضاً أحد المميزات اللي حرام ما يطلبها الوكيل عندنا للأسف، ولكن على فكرة ترا مشاكلها كثيرة بشكل غير طبيعي، بعد ما تشتغل المرة الأولى يصير من الصعب انك تطفيها مرة ثانية مهما فعلت وفيه امريكيين كثير اشتكوا من هالميزة في المنتديات الأمريكية.
3- هذي اكثر ميزة أنا متحسف عليها لعدم وجودها في الموديل السعودي 
لأن ميزتها مرة روعة وعلى فكرة الثلاث أزرار هذي خيارات لثلاث ابواب كراجات مختلفة وتقدر تبرمجها على اي جهاز ثاني يستقبل إشارات Wireless بدل الـ IR مثل بعض مكيفات البيت المركزية. لكن من يدري قد يكون الوكيل ناوي ينزلها في 2009 حتى تكون فرق بين الموديلين........ ما سووا نفس الشيء مع السقف البانورامي ؟ 
خاصة وان عرفنا بأن الميزة ما تكلف إلا حدود الـ 50$.
4- ما عندي علم عن هالميزة وكونها غير موجودة في الموديل السعودية لكن اللي أعرفة انها موجودة في الموديل الأمريكي من 2007 من أول فيديو استعراض للسيارة بموقع You tube لكن كون الميزة غير موجودة بالموديل السعودي فماعندي علم للأسف لأني ما بعد جربتها وللعلم لازلت في انتظار سيارتي من الوكالة.......
5- بالنسبة ما تهمني هالميزة وما اعتقد اني بأحتاج ابد للطريقة المستخدمة عندنا والمنتشرة في عدة مواضيع لأن بيني وبينكم احس انها طريقة غير شرعية وكأنك تلعب بأنظمة السيارة أو انك تعمل force shutdown للنظام.
6-صحيح، واتوقع انهم ماجابوه في 2007 حتوا يجيبونه بـ 2008 ويكون فيه فرق بين الموديلين ، وطبيعي راح يسوون نفس الشيء مع ميزة من المميزات اللي ما جابوها هالسنة.
7- بالنسبة لنور الطبلون واللون الأزرق على فكرة في الموديل الأمريكي اللون الأزرق يكون خلف ابرة العداد وكأنه ظل لأنه مصمم بهالشكل بحيث يكون فيه ميلان في فتحات النور اللي لونها ازرق بحيث تكون ورا أبرة العدادت لكن للأسف الميزة الغت من عندنا، بالإضافة إلى كون اقصى سرعة في الطبلون 240 كم/س مع العلم ان السيارة سرعتها القصوى 260 كم/س وغير محددة إلكترونيا يعني الموديل الأمريكي يجيب الـ 260 كم/س. وهذي ميزة ثانية صراحة حرام يشيلونها طبعاً ما اقول هالكلام لأني ناوي امشيء هالسرعة في السيارة إذا وصلت ( ما اتوقع اعدي الـ 140 اساساً ) ولكن شيء جيد انك تشوف الرقم موجود على الأقل.