[فيصل_دبي]

مرحبا يا اخوان...

مع احترامي للجميع...انا كان عندي Ls460l ابيض لؤلؤي و بعته من اقل من شهر و تم عندي 6 شهور و كان ماشي 5800 كم بس يوم بعته... خلنا نكون واقعيين شوي بصراحه..انتو تعرفون انه بدية السنه بينزل Ls460l في دول الخليج بتقنية الوقوف الآلي و نظام الرادار و غيره و غيره...طبعا اول ما نزلت السياره كنت مبهور بها من كلام موظفي المبيعات (النصابين) و اقولها بكل ثقه لانهم ببساطه ناس يحاولون يبيعون بس حتى لو بالكذب...طبعا يوم نزلت السياره قالو انه نظام الوقوف الالي لن ينزل لموديلات الخليج خلال السنوات القليلة القادمة لعدم حاجة السوق الخليجي لها!!! و بعدها بكم شهر نزلت هذه التقنية غريييييبه!!!!!!!!!!!

ثاني شي مكينة ها السيارة قوتها 340 حصان فقط مع العلم انه الموديل الامريكي من نفس السيارة قوته 380 حصان!!! الموديل السابق كان اقوى 333/5200 دورة و الموديل الحالي 340/6400 دورة...و الجماعه يالسين يقارنونها ب S500 اللي قوته اكثر عن 388 حصان (و العزم فرق بعد)؟؟؟؟مع فرق المواصفات اللي كانها الفرق بين السما و الأرض؟؟؟؟و المرسيدس للعلم فيها ميزة الوقوف الالي اللي ذالينا عليها اليابانيين...

بصراحه يا اخوان اللكزس Ls460 كامري كبير و سواقته مب حلوة و رجاء لاتقارنونها بالمرسيدس ...يكفي اني اقولكم اني كنت كل مره انزل من السياره احس بوجع في الظهر...و غير عن هذا السياره تتدخل هوا مش نفس الموديل السابق...

و دمتم