[رااايـــق]

المرحلة الثانية(المرحلة الكهربائية)هنا الشغل واهم شي التركيز
18- قبل نبدأ المرحلة الثانية ركز بالصورة وخلينا نتفك على مسميات البلكات عشان لا نلخبط فيهم ( لو تجيب ورقه صغيره وتكتب عليها اسم البلك وتلصقها بالتيب على البلك بعد فصله يكون أفضل بس للثلاث بلكات لأنك راح تفصلها وراح تلخبط بينهم وومكن تأخذ وقت اللين تطب في الوايرات اللي اقصدها... لاتخاف أصلا هي ماراح تركب الابمكانها الصحيح ماعدا واحد اللي عليه دائرة رصاصي هذا بغى يجنني انتبه وشوف مكانه الصحيح ) أبدا بفصل البلكات واحد وري الثاني للجهة العلوية من الشاشة




هذا الكيبل اللي اقصده






19- بالنسبة لكيبل الـ cd مثبت بكلبس على الجهة اليسري فكله بالأول ثم فك البلكات









20- الحين فكينا الشاشة من الافضل انك تأخذها وتحطها بمكان آآآمن




قص الوايرات الجزء الأول
21- نأخذ الكيبل أو البلك J50 وندور على واير احمر وهو موجود بالصف اللي تحت لوحده ونقصه بالنص الجهة اللي جايه من السياره أو الطابلون نقفله ببلق أو بتيب لأنه هو اللي ينقل الاشاره حقت البريك للنظام ..



وهذي صوره ثانيه للنفس الواير





22- نأخذ الطرف الثاني للواير الأحمر اللي جهة البلك J50 ونوصله بواير طوله من 30 – 40 cm



23- بالنسبة للواير الإضافي نربطه بواحد من المسامير أو البراغي اللي تثبت الشاشة عشان يعطي اشاره
بأن البريك مسحوب على طول



نجهزالواير كذا ونتركه لان ما راح نربطه إلا في نهاية الشغل بالشكل هذا



الحين نبي نكمل الجزء الثاني والاهم

قص الوايرات الجزء الثاني
24- نأخذ الواير الثلاثي والذي ليس له أي اتصال بالسيارة وإنما هو بين نظام الترفيه ونظام ألملاحه (بعد إذن اخوي غير مسجل اقتبست الصورة من موضوعه )





25- نشيل الغلاف اللي موجود بين البلكات J1) الكبير)و( P1 الصغير) مثل هالصوره




26- نبحث عن واير لونه ابيض ومنقط برصاصي (وليس العكس انتبه في واحد لونه رصاصي ومنقط بأبيض لا تلمسه)



صوره أخرى




27- نقص هذا الواير الأبيض والمنقط برصاصي مع النص ....
اللي من جهة الـ P1 الصغير نقفله بـ بلق أو بتيب (هذا اللي ينقل السرعة من نظام الترفيه الي نظام ألملاحه)



28- اللي من جهة الـ j1 الكبير نركب فيه توصيله




29- نركب فيه السلك أبو 20cm مثل اللي موجود بالصورة (طبعا ممكن تستغني عن التوصيلة وتوصله مباشره للواير الإضافي أبو 20 cm)
وهذي صوره للتوصيل مباشره بدون توصيلات




وفي الطرف الأخر نركب فيه توصيله وهذي ألحاله النهائية للواير الثلاثي