[أبـــو عـــزام]

الله يبارك فيك أخي المحظوظ

إي والله الحمد لله طلعت السيارة مثل ما أبيها بالمقاس

إنطباعي حالياً ماشي تقريباً 100 كم فما أقدر أفتيك حتى أمشي أكثر بس عموماً السيارة معجبة جميع أفراد العائلة وحيزها كبير لا يتوقعه من ينظر إليها من الخارج. أنوار العدادات مثيرة وشاشة المعلومات كملت الوناسه.

أعجبني تعديل وضع المقاعد في الصف الثاني بحيث تستطيع إسنادها قليلاً أو جعلها صالبة.

لم أعرف لمثبت السرعة ولا تشغيل المساحة الخلفية لأني لم أقرأ كتاب التعليمات بعد.

كان التانكي فاضي مره عبيته بنزين 95 بـ 38 ريال.

قيادتها سلسلة بالرغم من حجمها الكبير. (تعودت على قيادتها بسرعة)

السيارة تفصيلها الداخلي ممتاز وتحمل من الأغراض ما تريد في كل مكان فيها.

لاحظت عند المشي فوق 40 صوت زقزقه جاي من منتصف الزجاجه الأماميه لا أعلم فوق أو تحت ركزت أكثر فلم أعرف مكانه بالضبط.. كأنه صوت هوا مع حبات رمل يضرب في السيارة لكني أعلم أنه ليس كذلك هو صوته مثل تقريباً صوت (الكمبيوتر إذا قام يفحص نفسه من الفايروسات) مدري كيف أوصفه لكنه خفيف وملحوظ أول شي سمعته وأنا أمشي 80 بعدين أختفى بعدين سمعته وأنا أمشي في الحاره 40.

(كأنه صوت حبات مطر صغيرة تنزل على قطعة قصدير) أتمنى يكون واضح وصفي

أنا ما بعد شلت اللزقات البيضاء اللي على البدي وإن شاء الله والله أعلم أنها صوت اللزقات اللي على التنده لأني أشوفها ما لصقت زين في بداية التنده من الأمام.

بكره بأشيل اللزقات وأغسل السيارة وإن شاء الله ما يكون علة داخلية فيها فك طبلون أو غيره

إضافة
(الحمد لله الصوت طلع من القراطيس اللي على سقف السيارة)

أكرر شكري لك أخوي المحظوظ

سلام