السلام عليكم ورحمة الله وبركاته
كيف الحال شباب
انا عارف ان الموضوع شكله غلط لأنه مقارنة بين سيارتين مختلفتين بس بصراحة انا من جد محتار بينهم
مشكلتي اني اسوق سيارة صالون عادية يعني مب فور ويل وشوارع الشرقية مب حقت سيارات نازلة
علشان كذا انا ودي اجرب فورويل وبصراحة اعجبني الـ FJ Cruiser شكله الخارجي طالع جنان
روعة ماادري كيف اوصفه بس لما شفته من داخل حسيت انه دفش يعني كل شي كبير بس عادي الكبر يهون
بس اكثر شي ماعجبني ان فيه مساحات كبيرة فاضيه
. الزبدة ان الشكل الداخلي حلو بس مو ذاك الزود
اما الاوريون فخم من بره ومن داخل بعد مو ذاك الزود بس يبقى احلى من الـ
FJولكن يفتقد ميزة الفورويل
من ناحية اخرى الاوريون فيه فتحة و شاشة بينما الـ FJ مافيه فتحة ولا شاشة
.
واللي خلاني احتار اكثر ان سعر الاوريون اقل من الـ FJ ب 4 آلاف ريال ( طبعا انا اتكلم عن الفل للنوعين )
فارجوا من اللي جرب السيارتين او احداها ان يعطيني رايه عن السيارتين او السيارة ويختار السيارة
الافضل واكون له من الشاكرين
وفي الاخير اتمنى اني ماطولت عليكم واتمنى انكم ماتبخلون علي بالردود