[ليكزي]

سلام عليكم ورحمة الله وبركاته

عليكم السلام ورحمة الله وبركاته

أخوي ليكزي ما شاء الله وألف مبروك والله يعطيك من خيرها ويكفيك شرها

الله يسلمك ويبارك فيك ..
عقبالك ان شاء الله ..

وأهنيك على اللون صراحه
هذا اللون الي أنا مفكر أخذه بس من الداخل أسود لأانو عندني اي اس من داخل بيج بصراحه مسكة الباب و المراتب يكون فيها سواد خفيف بصراحه مخربه السياره من داخل وناهيك عن حساسية اللون للأوساخ وخصوصا الأرضية وأنا بيني وبينك قلت ودي أجرب الأسود بصراحه أحسه مع الثلجي جنان وخصوصا أن الأسود على السبور حلو بس ما شفته على الحقيقه لأني مريت أبو جميل وقال مو موجود من داخل اسود الا في جده ويبيلها طلبييه فا ايش رايك بالأسود من الداخل

اللي يريحك عزيزي ..
اهم شيء انت تكون راضي ومرتاح للشيء اللي تبي تاخذه ..
انا صورت الـ GS من داخل اسود، بس الصورة (مش واضحة كثير) و تحولت من اسود الى أخضر (مدري كيف) .. اليك الوصلة التالية:-
حصريا .. تغطية لكزس Gs موديل 2008 في قطر (بالصور) + اللون الجديد !!

وانا عن نفسي، ما ارتحت للأسود كثير بقدر ما ارتحت للبيج (وجهة نظر) ..
ومن ناحية أخرى، مليت من الداخلية السوداء (لان سيارتي القديمة GS موديل 93 داخليتها سوداء وكذلك سيارة الوالد كاديلاك SRX داخليتها سوداء)، فقلت خليني اجرب اليج (مع اني مدرك سلبياته) ..

وصلة مفيدة تتمحور حول هذا الموضوع تقريبا:-
لكزس Is300 2008

وأنا الي ناوي عليها أن شاء الله 430 فاياليت تقولي عن أمكانات السياره من ناحية

1- عزم السياره ( تسارع ) وهل من أمثله لأنو بال350 الي معاي السياره ما تعطيك من الصفر الدعسه كامله بس السياره من ال100 وتعطيها ماشاء الله جنان

تبي الصراحة، انا في حياتي ما سقت الا سيارتي وهما GS300 موديل 93 و GS430 موديل 2008، فما اقدر احكم لك كثير .. لكن بشكل عام، انا معجب بعزم السيارة القوي من الصفر (وان مازلت في طور تمرين السيارة) .. لكن مثل ما تفضلت به، تسارع السيارة انطلاقا من الـ 100 (روعة) وهذا (النشاط) شيء معروف في السيارات التي تحتوي على 8 اسطوانات ..

بس أخاف الصراحه ما أحسها ثابته على 180 وفوق ومشكلة الدفع الأمامي يثقل الدركسون اذا كنت داعس الدعسه كامله

طبيعي جدا ان يقل الثبات في كل السيارات عند هذه السرعة ، لانك قاعد تتكلم عن سرعة (فائقة وخارقة) .. و يارجال ما انصحك بالسرعة لما لها من عواقب (وخيمة) .. لكن (للأمانة) انا ما اتحمل السير بسرعات عالية .. ان كثرت 160 بس ، لكن يوم من الأيام سلمت (دفة القيادة) لـ أحد اصحابي (عنده افالون) وهو متعود على السير بهذه السرعات (الخرافية) ، حيث انه مشى الى آخر الطبلون (اي 250 كلم/ساعة) فكرته ماشيء 160 بالكثير (ما شاء الله) ..

و صراحة مافهمت عليك في مشكلة الدفع الأمامي، لاني استعملت سيارة دفع امامي من ذي قبل .. كله (دفع خلفي) ما اتعامل انا (وكلها سيارتين اللي سقتهم) ..

2- الفحمات الأماميه هل هي نفسها فحمات ال300 لأنو واحد من الشباب تقريبا كل 10000 يغير الفحمات واذا كانت غيرها هل تتلف بسرعه

الله وأعلم ، انا لست مطلع على هالاشياء كثير ..
تبديل الفحمات مذكور متى موعد تبديلها في كتاب دليل مالك السيارة وهو كل 10000 (كما ذكرت) ..
نعم و (قرات) من احد ملاكها انها تتلف بسرعة ..

3- أأأأأأأأخخخ النظام الصوتي ايش رايك فيه وهل أستخدمة الخاصية الجديدة Aux

النظام الصوتي طيب، توزيع السماعات رائع وتستمتع به اذا وضعت CD يدعم ميزة (دولبي) ..
لكن بصراحة، ارى ان النظام الصوتي BOSE في سيارة الوالد أفضل ، لكن نفس النظام في سيارة ابن عمي (نيسان مورانو) لكنه بعيد كل البعد وليس بالمستوى المطلوب !!
بخصوص الـ Aux ، نعم استخدمها وهي مربوطة بـ (جوال) اخي (نوكيا N95 Music Edition) ، لكن وصلة الـ Aux لقيتها أخيرا بعد بحث وعناء طويل، لانها ليست متوفرة في كل محلات الصوتيات ..

4- هل الثلجي يبين عليه الغبار أو الأوساخ الخفيفه وهل مع الغسيل السياره تنشف ( تجف ) بسرعه وخصوصا الربلات للزجاج الجانبيه والمرايا الجانبيه والشنطه الخلفيه لأن الأي اس الي معاي أأأأأخخ اللون متعبني من ناحية الأوساخ ( رمادي ) واذا ما نشفت السياره تمام تبين خطوط المويه من المرايات الجانبيه والشنطه وخصوصا الشنطه ما أدري من وين تجي المويه بالرغم أني أحرص الي يغسل السياره أنو ينفخها بالهوا مرتين وثلاثه وربلات الزجاج الجانبي مثال على الماشي مره طلعت من المغسلة ورحت للأستراحه والمسافه من المغسله للاستراحه يمكن مسافة 15 كيلو هاي واي طريق سريع وأوقف بالاستراحه يمكن مدة من أربع الى خمس ساعات وبعدين اطلع من الاستراحه رايح للبيت وانا بالطريق افتح الشباك وأتفاجاء عند اغلاق الشباك انو فيه بقايا من الماء في الربلات فا تشوف نقط من الماء على الشباك يطلع شكلها بايخ جدا

انا دائما أحرص على غسل السيارة كل أسبوع عن طريق (الخادمات) في البيت، لذلك لا اجدها متسخة كثيرا، و عموما هو اللون فاتح واهون بكثييير من الغامق الذي تهر عليه آثار الغبار بسرعة ..

انا فاهم عليك، لكن السيارة يغسلونها لي في الصباح وانا اجي اخذها الظهر، فـ تكون جافة ويعني ماشفت اي حاجة ، وغير كذا، انا نادر ما انزل النوافذ (الا اذا وقفت عند بقالة او معصرة او مطعم وطلبت شيء) ..

5- هل تؤيد فكرة صبغ الجنوط نيكل

انا لا اؤيد شيء
اذا الشغالة عاجتك ، توكل على الله ..
لكن لو انا كنت في مكانك لما اقدمت على فعل شيء كهذا ..
احس ان راح يكون في شيء غلط في الموضوع مادري ايش اقولك هههه ..
انا شفت بعض التعديلات على GS بـ جنوط نيكل في موقع cardomain.com الشهير، لكن ما عجبوني حقيقة ..
(جنوط) النيكل ما اشوفها حلوة الا على بعض السيارات (اللي منها وفيها جنوط نيكل) مثل:-
- إنفينيتي QX
- كاديلاك إسكاليد
و اشوفها حلوة على سيارات (الأمريكية بالذات) مثل:-
- كرايسلر 300C
- هامر H2
- دووج تشارجر
- ربما الفورد موستانج
- تقدر تقول يوكن دينالي ..

والمعذره على الاطاله وسلامتك

بالعكس، حياك ..
اتمنى باني افدتك ..

تحياتي
ليكزي