السلام عليكم
كيف الشباب اليوم؟
اليوم جايب لكم سؤال وأتمنى الكل يجاوب عليه
ليه اشتريت الأوريون؟؟؟وايش الخيارات اللي حطيتها في بالك؟؟؟؟
صراحة اللي جاب الهرجة إني كنت ألفلف في أحد المنتديات ولقيت موضوع عن ترشيح ماهي أفضل سيارة بين الأوريون والأزيرا والأكورد والألتيما
قعدت أقرأ الردود وإلا ألقى واحد يقول الأزيرا أقوى وأكثر تحمل من الأوريون
واللي يقهر إن اللي معاهم أزيرا أيدوا الكلام هذا
بصراحة أنا انهبلت صحيح الموضوع مايستاهل
بس ايش رايك بواحد يقولك والله الشمس تشرق من الغرب لا ومتأكد وواثق
يلعن أبو ابليسكم سيارة شخمطت الألتيما والss ووحوش جبارة تقولي أزيرا
طيب نمشيها
لكن تقولي سيارة كوري وما يخفى عن الجميع عمايل الكوري وكمان مالها سنتين نازلة .
أجود!! من سيارة لها أكثر من 30 سنة سيارة جدتها الاسطورة كريسيدا؟؟؟؟!!!!!
صراحة شيء يقهر
وهات ردود عليهم وهم يردون لين ماجاء واحد الله يهديه وقل أدبه علي عاد وأنا ماقصرت
أكلنا باند الاثنين بالعربي سووا علينا حظر كم يوم
المهم إنه مافيه انسان كامل ومايخطئ
أنا اشتريت الأوريون لأسباب وهو اشترى الأزيرا لأسباب خاصة فيه
لكن المشكلة تشوف بعض الناس وخاصة أصحاب الكوري
إذا قولت له تويوتا يقول عنك عقلك متحجر ويعتقد إنه ذكي وعقله متفتح!!!
على العموم ياليت الكل يقول ليش اشترى الأوريون هل لأنها تويوتا ؟؟؟أو لأسباب ثانية؟؟؟
وايش السيارات اللي احترت فيهم مع الأوريون؟؟
طبعا أنا قرقرت كثير فوق
ماأبغى أوصف في الأوريون كثير
أنا اشتريت الأوريون لأنها تجمع مابين:
قوة الألتيما
+
وفخامة الأزيرا
+
وجودة الأكورد
+
تنتمي لأفضل وكيل في السعودية
+
سعر مابعد البيع
=
أوريون
طبعا فيه سبب ثاني وهو إذا انكفشت من أمن الطرق قله ايش جاك في البلاغ يقولك كامري مسرع قوله طيب طالع الاستمارة ايش مكتوب؟؟؟؟
يحك رأسه ويقولي أمشي
صحيح الأوريون نزلت قبل الألتيما والأكورد بس أنا اشتريت الأوريون في وجودهم والسبب في تأخيري في شراء الأوريون انتظار المازدا6 الشكل الجديد
http://www.z****.com.au/images/2008-mazda-6.jpg
الظاهر لو نزلت 6سلندر بفجر بالأوريون
أما السيارات اللي احترت بينهم مع الأوريون:
التشارجر (شكل خرافي بس وكيل حرامي) -
الباسات(اركب السيارة وتعرف ليش حبيتها بس الماكينة 150 حصان عز الله الكامري تطرحها بالريوس
الجراند فيتارا (مواصفات وشكل رهيب بس ماينفع لأهل الخطوط )
إن شاء الله ماأكون كثرت عليكم
وفي انتظار ردودكم
