[اسم مستعار]

قصتي قصة ياأخوان ... حيث انني قررت ان اشتري شاشة لسيارتي الكامري .. علماً أني من النوع (العلة) اللي يقعد يدور على الأنواع وأفضل الأسعار ... المهم بعد البحث والتحري والتدقيق ومحاولة لتنزل الأسعار وجدت بعض الخيارات أرجوا منكم مساعدتي على اختيار القرار .. وهي كالتالي :

1ــ (شاشة مهام الجزيرة) اتصلت على المندوب محمد قبل خمسة أيام وهو خارج البلاد وقال لي بيرجع بعد يومين ولي يومين أدق عليه ما يرد علي .. ولا أعرف سعر الشاشة (علماً بأني أعرف شكل الشاشة ومضمونها ومواصفاتها ) .


2ــ وجدت شاشة مثل شاشة مهام الجزيرة في محل في الخبر لا تختلف عنها اطلاقاً في الشكل والمضمون لأني طلبت تشغيلها أمامي وبعد المداولة والمساومة في السعر بلغ سعرها (4000) ريال مع التركيب وضمان سنة .


3ــ شاشة عبداللطيف جميل وهي معروفة ومطابقة لشاشة مهام الجزيرة في الشكل والمضمون حيث أني طلبت تشغيلها .. لكن بدون بلوتوث ولا تلفزيون ولا كاميرا خلفية وبعد المساومة والروحة والجية وفقعت قلب الموظف قال بحاول اجيبها لك بسعر (4000) ريال مع التركيب والضمان سنة طبعاً (لا تستغربون السعر لأني والله ألصق في الشي ما أفكه الين اجيب السعر اللي يناسبني) .




الرجاء منكم ياأخوان مساعدتي في الآختيار .... تكفون .. تكفون .. تكفون ؟