مشرف منتدى لكزس GS و IS
عدد النقاط : 705
لا للضمان .. مع لكزس انت في أمان شرايكم ؟! ما شاء الله اللكزس والياباني بشكل عام سيارتهم اعتمادية وعملية وقليل ما تخرب، لذا لا حاجة للضمان ان شاء الله .. يعني مب لذيك الدرجة مثل الألماني بالذات (لازم ضمان) والا الله يعيينك .. الصراحة، اشوف بان الضمان هذا شيء (خرطي) ويضحطون علينا فيه ويشفطون فلوسنا (من قبل) بدون فائدة (قال الضمان مجاني قال ) .. واذا اخترب شيء والا شيء هم يحملونك المسؤلية وانت طلبت منهم فحص ، ياخذوا عليك اجرة شغل اليد ، يعني ما استفدت شيء وكله كلام بس .. يعني انا مثلا طلبت منهم فحص البريك (الفرامل) وتوقعت انها على الضمان .. واذا بهم يقولون لي لا ، هذه حاجة استهلاكية ما يتحملها الضمان طيب انا سياري لسه جديدة مب ماشية شيء .. قال لا ما يتحملها الضمان .. قلته طيب ايش يشمل الضمان ؟! قالي مثلا، النافي لو اخترب او مب شغال مضبوط او الفتحة ما تنفتح مثلا وهكذا .. عالعموم، شركة عبدالله عبدالغني في قطر تمنح ضمان مدته 5 سنوات بدون تحديد الكيلومترات لكل مشترين سيارات لكزس (غصبا عنك وبكيفهم مب برضاك ) .. واعتقد الضمان يشمل بشكل كبير المحرك (المكينة) وناقل الحركة (القير) .. تحياتي ليكزي