[ليكزي]

مساء النور ..
ياهلا ومرحب فيك أخوي الطميحي .. حياك الله ..
الف مبروك على السيارة الجديدة والله يعطيك خيرها ويبعدك عن شرها ..

واتمنى من أهل الخبره في المنتدى الرد على استفساراتي وعذرا على الأطاله

اولا .. انا (واعوذ بالله من كلمة انا) مب خبير ولا شيء، انا مجرد اني احد ملاك الـ GS430 وراح افيدك باللي اقد عليه ان شاء الله ..

اولا / وش احسن بنزين للسياره هل 95 للسياره افضل لبقاء المحرك عمر طويل ام بنزين 91 افضل؟

حسب ما هو مكتوب في كتيب دليل المالك .. علما باني أملك موديل 2008 (لكن مافي فرق ان شاء الله) ..

نوع الوقود: بنزين ممتاز خال من الرصاص فقط
الرقم الأوكتاني البحثي: 95 أو أعلى

ثانيا/ ابي اعرف شلون أشغل الحساسات في السياره ؟

اي حساسات تقصد؟! الأمامية والا الخلفية ؟!
بخصوص الحساسات الأمامية، تجد زر خاص به في لوحة المفاتيح المخفية على يسارك ويسار عجلة القيادة (المقود/الطارة/الدركسون/السكان) 4 في 1 ..
ولما تشغله راح تسمع رنة واحدة طويلة (شوي) ..
على اي حال، الزر عليه شعار عبارة عن حرف P امامه ثلاث (شخطات) وامامهم (قمع) .. وعند تشغيله سوف يظهر الشعار في لوحة العدادت باللون الأخضر .. حاولت البحث عن صورة للشعار لكن لم أجد للأسف ..
عالعموم، الحساسات الأممامية تعمل سواء في وضع ناقل الحركة (القير) اما في الـ R أو N أو الـ D .. اما الـ P فلا طبعا ..

اذا الزر ذاك مطفي ، بطبيعة الحال ماراح تشتغل معاك الحساسات الأمامية، لكن الخلفية دائما شغالة طبعا في حالة وضع القير في الـ R والرجوع للخلف الا اذا فصلتهم من خلال اعدادت السيارة اللي تلاقيها في زر INFO وبعدين تروح على LEXUS Park Assist (بس خله شغال ابرك لك، لا سمح الله يصير شيء والا شيء) ..

حسب دليل المالك فان أقصى مدى لرصد العائق هو
100 سم (متر واحد) تقريبا أمام السيارة (يواسطة المستشعرات الأمامية المزدوجة) ..
و 150 سم تقريبا لخلف السيارة (بواسطة المستشعرات الخلفية) ..
و 50 سم تقريبا (بواسطة المستشعرات الركنية الخلفية)

وطبعا نغمات التحذير تختلف وتزداد كلما اقتربت .. وعند الرنين المستمر تكون المسافة بينك وبين العائق هو اقل من 25 سم ..

للمزيد من المعلومات، اقرأ دليل المالك (المعلومة في الصفحات المحددة باللون الأخضر) ..

ثالثا/ وش فايده نظام التعليق في السياره من ناحيه ال power وايضا من ناحيه sport اوnormal ؟

اولا من ناحية الـ Power .. دليل المالك يذكر الآتي:-

وضع القدرة Ect Pwr : للحصول على تسارع قوي والقيادة في المناطق الجبلية (هذا في حال انك شغلته)
الوضع العادي Norm (في حال انك ما لمسته )

يعني ببساطة وإختصار، هذا الزر (يعطيك بور وعزم ودفعة زيادة للسيارة ) .. راح يظهر عندك اشارة باللون الأخضر في الطبلون .. طبعا صرفية البترول راح تزيد بشراهة وسراسة مع استعمال هذا الزر وتبديل القير راح يسير اسرع بطبيعة الحال ، مثل ما نقو (يقط أسرع) ..
واذا كان عالـ Norm (يعني ما ضاغطه) طبعا تكون قيادة عادية ..

اما من ناحية الـ SPORT ..

(نظام التعليق المتكيف المتغير) (الموديل GS430)
يقو نظام التعليق المتكيف المتغيًر AVS بالتحكم بنظام التعليق تبعا لحالة الطريق وظروف القيادة.
اختيار وضع القيادة الأمثل يسمح بضبط وضعية السيارة وتشغيل عجلة القيادة بشكل متوازن مع نظام التوجيه ذي نسب التروس المتغيرة VGRS ونظام التوجيه الآلي المعزٌز كهربائية EPS.
(لما تضغط الزر) تتحول القيادة الى الوضع الرياضي:- ملائم للقيادة على الطرق الجبلية الملتوية أو القيادة السريعة.
(بدون ما تضغط الزر) تتحول القيادة الى الوضع العادي:- ملائم للقيادة العادية

ملاحظة: هذا الزر وتلك الخاصية والنظام متوفرة فقط وحصريا في GS430 وليس متوفر في GS300 ..

هذا مقطع فلاش لـ نظام الـ AVS عند ضغط (زر الاسبورت) اتمنى تنزله .. تفضل:-
http://www.lexus.com/lexus-share/dem...nce/gs_avs.swf

بس نصيحة لوجه الله ، لا تتهور وتفلها مع هالانظمة كثير حاسب الله يرضى عليك ..

رابط ذو صلة بالموضوع:-
ماهي فائدة هذه الخاصية؟

رابعا/ من ناحيه تغيير الزيت والتشيك كل كم اغير واشيك على السياره؟

على ذمة كتيب دليل المالك:-
تغيير زيت المحرك كل 5.000 كم أو 6 شهور ..
استبدال مرشح زيت المحرك كل 5.000 كم أو 6 شهور ..
استبدل مرشح منظف الهواء كل 40.000 كم أو 48 شهرا ..
تنظيف مرشح مكيف الهواء (طراز إزالة حبوب اللقاح) كل 5.000 كم
استبدل مرشح مكيف الهواء (طراز إزالة حبوب اللقاح) كل 30.000 كم
استبدل زيت التروس التفاضلية كل 40.000 كم

اما الباقي كله مجرد فحص واستبدل حسب الحاجة اذا تطلب الأمر ..
نصيحتي لك، كل 10000 شيك على السيارة .. بس اشوف انه ما له داعي (تحاتي) كثير
لان كمبيوتر السيارة (اللي في لوحة العدادت) يخبرك بأشياء كثيرة .. فلا داعي للقلق ..

ياخوك، اهم شيء بدل زيت وفلتر كل 5000 كم وروووووح
ولا عليك (هذه تويوتا/لكزس (ياباني) الله يسلمك ، ما ينخاف منها باذن الله) ..

اتمنى الأفاده على كل نقطه موجوده في الموضوع من أهل الخبره

إن شاء الله افدتك أخوي العزيز ..

فعلا السياره تستاهل النقاش تدرون ليش وربي انها رزه بمعنى الكلمه ماشاء الله تبارك الله

الله يبارك لك فيها ان شاء الله وتستاهل كل خير ..

تحياتي
ليكزي