[ليكزي]

المشاركة الأصلية كتبت بواسطة هاروك

ما أدري هل هناك صوت تصفير من الفرامل أم احتكاك أثناء بداية الفرملة الهادئة؟

وإذا كان كذلك أقصد صوت الصفير أمر عادي ، فكيف تستطيع أن تتعرف أن الفرامل تحتاج إلى استبدال ؟ لأني أعرف أن صوت صفير الفرامل هو المؤشر الوحيد لمعرفة السائق أنها تحتاج استبدال ؟

مشكور أخوي

شوف الله يسلمك، انا بقولك متى وكيف يطلع الصوت ..
لما تكون واقفة عند الإشارة او شارع زحمة مثلا وقاعد تقدم بالسيارة (شوي شوي) بينما حاط رجلك بهدوء عالبريك .. تسمع الصوت داخل كبينة القيادة (كأنه صوت واحد بطنه فاضي وجوعان ) .. يعني مثل ما تفضلت، احتكاك اثناء الفرملة الهادئة .. لكن مثلا اذا جيت مسرع ودعست بريك وخففت تدريجيا ، لا مافي اصوات ولله الحمد ..

الصراحة، كنت متوقع اني بلاقي في كتيب دليل المالك ، رسالة تحذير من بين عشرات رسائل التحذير اللي يمكن تطلع على شاشة عرض المعلومات في (لوحة العدادات) .. وتوقعت اني بلاقي رسالة تحذير عن انتهاء او قرب انتهاء (الفحمات)، لكن للأسف ما لقيت .. بس اللي لقيته بخصوص الفرامل كالتالي:-
نور تحذير نظام الفرملة ((!)) (جرس تحذير)
* انخفاض مستوى سائل الفرملة
* خلل في نظام الفرملة
يضىء النور أيضا إذا كانت فرامل صف السيارة غير محررة. إذا انطفاُ النور
بعد تحرير فرامل صف السيارة بالكامل، فهذا يعني ان النظام يعمل بصورة طبيعية.

فما ادري، شكلي بروح ببدل كل 10 الآف وبس ..

بالمختصر المفيد روح الوكالة والزمهم يبدلون لك فحمات وخرط هوبات لكي ترتاح من هذا الصوت نهائيا ,,
لان الوكالة وهذا شي غريب يكتفون دائما بتنضيف الهوبات !! تقول على حسابهم ؟؟؟

بصراحة شكيت ان الوكالة متقصده هذا الشي لانهم يتمنون انك تنسى امر الفحمات وبالتالي تتضرر الهوبات عندك
وتضطر انك تستبدلها بهوب كامل جديد واعتقد انه يكلف فوق 1500 !!

اووووف، حسبي الله عليهم .. لاعبينها صح عيال اللذين ..
اييي، كل شيء يبونه لمصلحتهم وفائدتهم هم بس ..
بس ياخوي اسمحلي ، الفحمات وفهمناها (نسميها سفايف) ، بس ما فهمت وش يعني (خرط هوبات)؟!
ياخوك انتوا كلامكم غير يالسعوديين ، ما نفهم على مصطلحاتكم وايد .. ارجوا تبين لي معناها اذا ما عليك كلافة ..

و فعلا شيء ، غريب .. انا لما وديت سيارتي صيانة 5000 وطلبت منهم فحص البريك (الفرامل)، ردودا علي وكلموني بانهم نظفوهم بس، لكن ابد وكأن شيء لم يكن .. تيتي تيتي مثل ما رحتي جيتي ، لا ودفعوني شغل اليد الله يرج بليسهم .. والله حالة، لاعبين علينا لعب ..

لا حول ولا قوة الا بالله .. الشكوى لله ..

شكرا على الإفادة، ، ويبيلي اروح اقعد فوق راسهم المرة الجاية .. طبعا انت عامل هالحركة في سيارتك ، صحيح؟! طيب بشر كيف الأمور ماشيه معاك لحد الآن ؟! كل شيء تمام والحمد لله ؟!

تحياتي
ليكزي