[بوووحمد]

السلام عليكم ،،، يا جماعة يوم الخميس بعت سيارتي الهوندا اكورد بعد عشرة دامت 8 سنوات مع الهوندا وخلاص ناوي على الاسطورة الافالون اللميتيد ،،
آنه من المتابعين لهاي السيارة الاسطورة وذلك عن طريق هذا المنتدى الاكثر من روعة بهمة الشباب الموجودين فيه ،،، وقريت العيوب والمميزات وأخيراً قررت إني اشتريها ، ورحت الوكالة لحجز السيارة واللون ابيض لؤلؤي ولكن !!!!! و إنصدمت يوم عرفت أنها تجي بدون هالمواصفات يعني إذا بغيتها لازم إضافة وهاي أسعارها :

* الحساسات الامامية =/130 دينار . ماكنت اتوقع انها بدون هالميزة حتى اني ماكنت ابحث عن هالميزة في المنتدى .
* الحساسات الخلفية =/ 110 دينار .
* وايضاً الدوسات =/30 دينار .
* بلوتوث =/120 دينار . هاي الميزة فرغانين منها ناس تنصح به وناس لا تنصح به . ( سبب كثرة الإنقطاعات وإعادة البرمجة ) .

الغريبة إنه الكامري تجي مع حساسات والافالون لا ( والله قهر ) !!!!!

سعر السيارة =/12800 بعد الخصم =/12600 دينار .

آنه ما قووول أنها ما تستاهل ، بالعكس السعر معقول نوعا ما ( في حال لوكانت بجميع الميزات المذكورة أعلاه ) يعني تره يا شباب سعرها بالنسبة للسيارت الاخرى تعتبر غالية نسبياً ، يعني شنو الفرق بينها وبين اللكزس is300 حول ال2000 دينار ،،،، وآنه الحين محتار والله ،،،، بالرغم من الميزات اللي في اللكزس إلا أن مازالت الافالون في الخاطر ،،، آنه كنت أقووووول كان ينقصها فقط النفيقيشن وتصير كاملة مكملة والكامل الله ،،، وغضينه النظر عن النفيقيشن بمعنه صار من ضروريات العصر ،، طلعت سالفة السنسرات ،،، أوووووه نسيت المسجل مايدعم صيغة ال MP3 ،،، وقريت في الكتالوج إنه المساحات الامامية فيها سنسر تزداد سرعتها بازدياد المطر ،،، إلا ان الواقع يقول ( لا توجد هاي الميزة ) ):

وش رايكم إنتو يا شباب آنه خاطري في الأفالووووون بس والله محتار ،،، أبي رايكم وبالسرعة لاني بدون سيارة حالياً