[لكزس عاجي]

طبعا الكفرات اللي تجي على السيارة الدنلوب دعستها ماتصلح ابدا الكفر قاسي يخلي مطبات السيارة قاسية جدا بالاضافة الى صوت عالي يزيد كل ما زد سرعتك وتزيد حدة الصوت مع مرور الوقت والاستخدام. ممكن تركب نفس الدعسة اللي تجي على ال 460 ولكن المقاس غير متوفر حاليا وهي أفضل من دعسة الوكالة بكثير واسمها ( Dunlop SP Sport Maxx )

طقم الكفرات الثاني اللى جربته كان يوكوهاما ومشيت عليه تقريبا 20 الف ورميته على طول صوت الاحتكاك بالطريق لا يطاق خصوصا مع شوارع جدة غير... يعني بالمختصر الكفر مشي حالك ودعسته هي (ADVAN A10B) وللمعلومية هذه الدعسة تجي وكالة في بعض دول الخليج .. ممكن تركب الدعسة (ADVAN Sport) وهي أفضل من الدعسة السابقة ولكنها غالية وغير متوفر المقاس حاليا..

آخر طقم كفرات جربته وماشي عليه الآن والله سحر نعومة وليونة حتى صوت الاحتكاك بالطريق قليل جدا والله كأنه راكب سيارة غير يعني نصيحتي لأصحاب ال gs430 يركبوا نفس نوع الكفر وهو مشلان والدعسة هي (Michelin Pilot Sport PS2 ) وحتقولوا بأمانة وداعا للمطبات القاسية...

زميلي مجرب ال كونتينينتال نوع الدعسة (Continental SportContact 2 )
وبالأمانة الدعسة حلوة ولينة والصوت مقبول بس بصراحة الميشلان حاجة ثانية

طبعا سعر المشلان في الوكالة 1200 ريال للكفر الواحد والكونتينينتال 1100 ريال واليوكوهاما 750 ريال

والرابط التالي يوضح مقارنة بين بعض أنواع الكفرات اللي نفس مقاس ال gs 430
http://www.tirerack.com/tires/survey...ll&sortValue=6