بصراحة وأنا أخوك القصد من نصيحتي هو إنك ما تكون تملك سيارة ويدك على قلبك من كل شيء ولاتنسى إن وكلاء GM ماهم بذاك الزود وينقصهم الكثير علشان تثق في قدراتهم ....
أما الأوريون ماعليها كلام أبد وكلامي لايعني مجاملات للمنتدى لأن 2 من خوالي معهم أوريون ووالله العظيم موتر عز وكرف ويعجبك ...
نصيحتي إذا معزم على اللومينا هي موتر محترم لكن أولا مر على الورش بالصناعية واسألهم عن عيوبها واسأل ملاكها وشوف ينصحونك وجرب قيادتها وراحة الركوب فيها وبعدين قرر بنفسك ولاتنسى قطع الغيار مولعة نار لأن الأوريون تتفوق عليها من نواحي كثير بعيدا عن القوة مثل الداخل مريح جدا واستخدام الإلكترونيات سهل ومرونة في كل شي حتى في الدخول والخروج ... وهذي الأمور لازم تحطها ببالك وختاما الله يوفقك في اللي تختار وأنت أبخص بنفسك وتستاهل كل خير ومبرووووووك مقدما ..