مشرف منتدى لكزس LS
عدد النقاط : 193
أولاً معوض خير اخوي سلطان والله يخلف عليك ويعوضك ان شاء الله سبحانه وتعالى ثانياً مع احترامي لك انت غلطان ... كيف تترك سيارتك عند ورشة(اول مرة تجربهم) ؟؟؟ وتخيهم يفحصون ويخترعون لك خرابات من روسهم؟ وش كان يضرك لو وقفت عند سيارتك وقلت له اكشف على السيارة قدامي؟؟ تحسب الكشف صناعة صاروخ او ياخذ وقت؟ تراه مجرد يرفعها على الرافعة ويتفرج عليها من تحت ثلاث دقايق وينزلها ... شغلة تافهة ماتاخذ وقت..بس هو مايبيك تشوفه وهو يفحص عشان يحط الخرابات الي ترضي جيبه ثاني شي شلون تستلم السيارة وتدفع مبلغ بالالاف بدون ماتكلف على عمرك تخليهم يرفعونها على الرافعة ويورونك شغلهم وش سووا؟ خلهم يورونك المقصات والاذرعة الي غيروها...خلهم يورونك القطع القديمة الخربانه....خلهم يورونك مكان التهريب الي صلحوه....كذا بس تجي تدفع فلوسك وتمشي؟؟؟؟؟؟؟؟؟؟؟؟ وثالثاً ليه يوم رجعت لهم وقالوا المكينة خلطت ماء وزيت ليه ماجبت لهم دورية ؟؟؟ انت متأكد الحين ان المكينة الي خبطت هي اصلاً مكينة سيارتك؟؟؟ يمكنهم ملفقين لك اي مكينة من محلهم الثاني بالتشليح وصالخين ظهرك بقيمة اصلاحات وجنزير (وهمية) وفوق كذا اخذين مكينة سيارتك تبي رأيي؟؟ اصبر فترة وبيخبط عليك القير ..... لكن اذا خبط راسلني على الخاص ياخي هذولا ورش فاتحين عشان ياخذون فلوس..لاتحسبها مهنة ممتهنا (مهندس يصلح سيارات وياخذ فلوس) لا ياحبيبي هذا مهنته ((ياخذ فلوس فقط)) سواء كان مهندس او زبال وانت بكرامة انت ومن قرأ هذه السطور احد يسلم رقبته لورشة ويجي بعدين يصيح يقول نصبوا علي؟ يقولون البدو الاولين ((من جا على درب الطعن طعن))