للأمانة الموضوع منقول
أعجبت به فنقلته لمنتداي الكبير تويوتا العربية
بسم الله الرحمن الرحيم
الحمدلله والصلاة والسلام على رسول الله وبعد /
بعد إنقطاع عن كتابة المواضيع وتدوين الرحلات والمقانيص ولمدة تزيد عن شهرين
فأحمد الله جل وعلا أن يسر لي هذا المكان منتديات البرية لأكتب فيه بحرية وراحة تامة
مع أخوة أحببتهم في الله ولله اسأل الله أن يديم صحبتنا على الخير والدين
آميــــن
في يوم الخميس الماضي 22/2/1429هـ
يسر الله رحلة على الكيف وسعنا فيها الصدر وأزلنا في الهموم والغموم
مع أخوين غاليين على قلبي أكن لهم كل محبة وتقدير اسأل الله أن لايفجعني فيهم
وأن يجعل يومي قبل يومهم محبة وأخوة لاغير ذلك
رحلتنا كانت لوجهة ليست بغريبة بل هي معروفة وفي نــجــد الغالية
أتجهنا لشعيب الأوسط وأكيد الكثير يعرف شعيب الأوسط
مع طريق ديراب تنزل
وسيده وسيييييده الين يجيك يقول نساح يسار
رووووح يسار ياقلبي
وسييييييده الين يجيك لوحة تقول الأوسط يسار روووووح يسار ياقلبي
وسييييييييده الين تطب في الديرة نفسها هاه يالله مانيب الي أوصيك
أمسك الدروب الي تروح جنوب (( يمين))
وسيده تشوف الشعيب يتفرع بك يمين او سيده
وأفضل مكان الي يروح يمين يعني غرب
هناك كانت رحلتنا ومستقر راحتنا وراحلتنا
الربع كانوا عازمين على الروحة بعد الفجر
ولكن بقدرة قادر جاتني رسالة من .... مانيب قايل منهو ههههههه
يقول ترى الروحة بتكون بعد 9
قلت سم وأبشر من يقواك عاد ويقدر يقول لك لا
الظاهر أن الليلة عنابية يابو 000 ههههههههههههه
المهم ياغالين أمسينا وأمس الملك لله وأصبحنا وأصبح الملك لله
وأنتظر الأتصال والحمدلله جاء الأتصال ووصلوني الربع عند الباب
وتيت تيت واطلع وأركب مع الغالي ابو فهد الضاحي والغالي ابو عبدالله سرهيد
والينهم ماقصروا كل شي جايبينه وعجزت فيهم من البارح أجيب شي
ولكن معنا واحد ما أحد يقواه الا خالقه سبحانه
حتى اللحمة أقول اهنيا الحيمة حاشي تو واصلتني من القصيم باجيبها نتغداها
يقول لا بنحط دجاج ههههههه
قلت بكيفك بكيفك سو الي تبي هههههه
وووووشت الينا في الأوسط وعلى موتر الغالي ابو فهد الشاص الأشهب
الله يمتعه به ياربي نعم الخوي ونعم الموتر
اليكم الصور موضحة مسار الرحلة وبوضوح تام والي يبي زود يعطني رنه
ههههههههههههههه
تنبيه :
ربما لاتطلع معك الصور او يطلع أكس اكلك يمين على الصوره
وسو أظهار الصورة لأن الجودة عالية
(1)
وهانحن مدحدرين مع نزلة ديراب يالله العوض والسلامة
اذا جاء المطر فتجووود لاتزلق ههههه
(2)
وفي الطريق وقبل مفرق نساح
مررنا على مايدمي القلب ويحزنه ويقطعه أرباً إربا
أنه شعيب الثامرية مشبوك من سنين حتى لم يستفاد منه أبد
شعيب عظيم وفيه شجر وش شجر الا غابة من غابات نجد
وفيه اللصف وبكثرة وشي يقطع القلب لكن أتحداك تدخل
لكن نداء لمن بيده أمر هذا الشعيب فكوا الحصار عن هذا الشعيب للمواطنين
سألتكم بالله فكوا الحصار عنه نظرب الكيلوات حتى نجد مكان نرتاح له
(3)
وهذا مدخل الشعيب الأوسط ونحن على مفترق طرق
يايمين او يسار توجهنا يمين لكونه الأنسب وهو راي الجماعة
(4)
وهاذي نمونه من وضع الشعيب
والله يافيه بطحا توسع الصدر ومسايل تلهبك لهب تقول
واحليلاه من سكن حولها وتقهواا بها المسايل كل عصر وقنص فيه
(5)
عينا لنا مكان يحبه قلبك يحبه قلبك
وأول ماوصلنا طبعاً ما أفطرنا اللهم تميرات وشي خفيف
فقلنا ياولد أدهسها فاكهة ولا أحلى منها
ولحظة اقتناصه ليد الغالي ابو عبدالله الله يعافيه من كل شر
(6)
أحد المعالم البارزة في الجهة الشرقية من الشعيب
(7)
سبحان الله وبحمده
والله أول ماتنظر له تقول أهرام من أهرامات مصر
ولكن في نــجــد الغالية
دقق في الصوره جيداً وسترآه أهراماً من أهرامات نــجــد
وسوف أطرح موضوع مستقل عن هذا الأهرام وصفاته
وموقعه بالضبط وأحداثياته وبصور متعددة لمن أراد الذهاب اليه
(8)
جاء وقت القهوة وخنتها في الراس قامت تلعلع في الراس
ههههههه
وقام الغالي ابو عبدالله وزبطها زبط تقول أول مرة نشرب اقهوه من زينها
ونثرة ثم نثرة ثم نثرة
من أطيب القهوة المعروفة المنتشرة
وكبابو عبدالله القهوة في الملقمة
(9)
ايهييييييه الآن منظر بديع وخيالي
وساعة سكر وطرب للقناص والكشات يوم تقلب القهوة على النار
ويتنشق ريحها في هالجو العليل
لبيه ثم لبيه ثم لبيه
ثم لبيييييييييييييييييييييييييييييه
(10)
ورزة هالبرقات وهالضوية تكفيك طاقة وتحمل وصبر من غثا الرياض ولمدة شهر
دفعة الى الأمام ولمدة شهر وسبع أيام وست ساعات وخمسطعشر ثانية
تـــــــابـــــع ياغالي **************** للموضوع بقية وصلة