[وبعدين معكم]

اختيار موفق ان شاء الله, ومبرووووووووووووك مقدما

صوت الكفرات مو ازعاج لدرجة كبيرة خصوصا لما يكون المكيف والسيدي شغال ما تسمع شي وما تسمع الصوت الخارجي طبعا النوافذ مقفلة, من واقع تجربة مسكت بها خط الرياض القصيم القصيم الرياض وامشي ما بين 200 الى 240ك, وما شاء الله لا اله الا الله السيارة متماسكة وراسية على الخط وثابته في المنعطفات. ولا تنسى انها سيارة رياضية سيدان من السيارات الفخمة ويكفي الاسم.

قطع الغيار معقولة نوعا ما بالنسبة لتصنيفها كسيارة فخمة ورياضية., وقد سئلت عنها قبل اشتري السيارة ولقيتها معقولة نوعا ما وانت اسئل وشوف وشاور واستخر والله يوفقك.

احسن لون وطبعا هو لون سيارتي الابيض اللؤلؤي ويعطيك تقريبا لونين في قمة الروعة يعني لونها في النهار الاضاءة يتغير عن لونها في الليل من الابيض الى اللون اللؤلؤي الرااااااااااائع, وعلى فكره انا واعوذ بالله من كلمة انا اخذت السيارة وما كنت مقتنع في اللون اخذته على كلام الشباب وانه يمسك سعره ولون رائع ما عليه كلام وغير كذا مناسب لأجوائنا المشمسة الحارة, وما اقتنعت فيه الا يوم جيت استلم السيارة وقتها قلت الحمد لله اني ما اخذت الا اللون هذا الابيض اللؤلؤي.

من رأيي اصبر حتى تنزل 2009 احتمال ما بقي الا 4 الى 6 شهور اتوقع, لانه 2009 توقعي يغيروا فيها شغلات بسيطة.

وبالمناسبة السيارة توني شاريها ما كملت معي شهر والحمد لله ما شاء الله لا اله الا الله فعلا لكزس.

اتمنى اكون افدتك والاعضاء ما بيقصرون يقدرون يفيدونك اكثير

موفق خير يا الغالي