[(غير مسجل)]

1- الظاهر انك ما سألت عن بقية السيارات بالسوق... باستثناء السيارات الكبيرة جدا (LS460، 750i، S500، A8)، ما راح تلاقي سيارة صالون فخمة اكبر من الـ ES350... طبعا من غير العادل انك تقارن الـ ES350 بالكابريس الرويال او الافالون ليميتد... ما انكر ان السيارتين اوسع من الـ ES لكن اذا كانت مساحة الركاب الخلفية هي اهم شيء بالنسبة لك، فللأسف، الـ ES350 ليست افضل خيار بالنسبة لك..

2- كلام صحيح.. وانا شخصيا اشوف الـ ES300/ES330 اجمل من الداخل... لكن، اتوقع انك ركبت السيارة قبل ما تشتريها وانت كنت الحكم...

3- لو تلاحظ، ان مو بس الفيديو الى ما يشتغل والسيارة تمشي... حتى ادخال عنوان او ادخال رقم جوال من الشاشة... كل هذه وسائل سلامة.. و بالنسبة للديفيدي، ترى جميع مصانع السيارات نفس الشيء.. الديفيدي ما يشتغل الا والسيارة واقفة او ان السيارة مجهزة بشاشات خلفية اضافية...

4- بالنسبة للجنوط، امرها سهل... لكن الـ ES ما فيها ولا شيء رياضي.. سيارة عائلية كلاسيكية مريحة... اذا تبي سيارة رياضية من لكزس، عندك الـ GS او IS...

5- ما هي السيارة المنافسة بنفس المواصفات الـ ES لكن ارخص؟؟ او على الاقل معقول؟؟

انا ما اقول لك ان الـ ES350 افضل سيارة بالعالم، لكن، السيارة بدون اي عيب لم ولن تصنع!!

اتمنى اني اكون افدتك