يا عزيزي:
أنا من أهل الطائف وأعرفها حتة حتة
فعلاً الشفا أغلبها عزوبية وما تصلح للعوائل يعني تبي تروح روح لكن تبي تطفش من الشباب
الهدى أفضل وأفضل وأفضل
بالنسبة لطريق الهدى :
أول كبري يقابلك على طريق الرياض (( يعني كبري في نفس مسار الطريق مو معترض الطريق مثل جميع الكباري على طريق الرياض)) اسمه كبري مدرسة الصيانة تطلع من جنبه يمين وبعدين تاخذ يمين ثاني وتمشي سيدا حتلاقيك لفات كثيرة في نفس خطك امشي ...حتلقي اشارة تهدية بعدها حتلقي إشارة وتتأكد من الإشارة هذي في الزاوية على يسارك يوجد مطبخ الرياض اطلع سيدا مسافة قليلة وحتلاقي كبري في لفة ماتتنتبه له ولكن حاول تكون في اليمين وتاخذ يمين ولا تطلع الكبري... مجرد ما تاخذ يمين الخط حياخك مخرج مع الكبري وتطلع على طريق الهدا سيدا ....وأفضل الشقق والفنادق هناك والملاهي والمطاعم ...والطائف مو بعيد عنك أبد
واسأل عن بهادر الهدا وحتنبسط
أما طريق الشفا فهو نفس طريق الهدا ولكن إذا وصلت إشارة مطبخ الرياض وتمشي سيدا لا تدخل يمين لأنك حتطلع للهدا ولكن امشي سيدا هذا يسمونه الطريق الدائري حيطلعك على مطاعم واستراحات الشعلة وبعدها مستشفى الملك عبد العزيز التخصصي وبعدها مخطط الوسام وبعدها يبدأ الطريق في الهاية إنت حتلاقي مخرج لطريق الشفا اطلع مع المخرج واستلم الطريق سيدا للشفا
يعني يمين من إشارة كبري الصيانة و سيدا ومع نهاية الطريق يمين للشفا
وبصراحة غالييين جداً وخدمات موجودة ولكن شحيحة والطائف بعيد عنك
أتمنى أن أكون أفدتك بالرغم من أنها متأخرة ويمديك رجت وجيت
وأنا آسف توني شايف الموضوع