[u]أخوي نصر نتوس ..
صدقني السيارة ما انسرقت ولا شيء بحكم ما أعرفه وأسمعه من واحد من أقاربي شغال عندهم .. السالفة طقطقة على العملاء الطيبين وهذي الحركات دارجة عند أبو جميل بشكل مهول وبطرق متعددة الله لايجزاهم خير ....
تلقى مدير أحد الفروع طلبها لأحد يعز عليه ويبيه يدبرها له بأسرع وقت وتلقاه اتصل على مدير الفرع اللي شريته وحكم الميانة بينهم والجمايل قال ماراح نقدر نصرف العميل إلا إذا قلنا انسرقت أو شيء أكبر من كذا لأنك بتضطر إنك تصبر أيام أو أسابيع ...
وصدقني سامع بهذي الحركات من زمان والحمدلله إنك أخذت وعابطت معه ...
وأزيدك من الشعر بيت واحد من العملاء الطيبين يوم جاء يستلم سيارته ومالقاها في الموعد المحدد قالوا له الباخرة غرقت ( تكفى يالباخرة اللي تجي من اليابان كل دقيقة ) والمسكين العميل صدق ودعاء عسى ماجاهم خلاف ...
احـــــذروا من تصريفات المبيعات وغيرهم حتى لو تسحب فلوسك لأنهم ينجنون لو سمعوا هالكلمة ويخافون يضيع منهم العميل ويطير لشركة منافسة .. وعلشان كذا تلقى الحمراني لازق لأبو جميل عند كل فرع والهدف التسويقي من هذا هو ( لقط ) العميل الزعلان من تويوتا ولعلمك سيارات نيسان أفضل مليون مرة من تويوتا ..[/U]