والله ياصاحبي العزيز
توكل على الله وخذلك كورولا
اوووووول شي .. ياباني اصلي 100 %
الكامري .. استرالي
تاني شي .. ماشاء الله تبارك الله رساوة على الخط .. وخصوصا الفل ياللي تجيك جنوط
وانا مجربها على سرعة 140 في اللفات .. والله العظيم انو ماحاصت معي
لانو فيها نظام اسمه نظام Eboddy .. زي ثبات السيارة .. تلاقيه مع جهاز ABS مع الفرامل
ثالث شي .. خفيفة في صرفية البنزين
زي ماقال اخونا بالزبط ماشاء الله عليه ... حاسبها مزبوط
اقتباس:
عبيها 95 اذا كنت داخل المدينة تمشيك 400 كيلو بالراحة طبعا اذا ما تدعس يوصل الى 450
لكن اذا بالخط يوصل 470 كيلو بالراحة اذا كنت تمشي 130 - 120
|
تعقيبي على اخونا ياللي يقول انو 63 الف ماتستاهل على كورولا
والله انا اقول انو تستاهل ونص
احسن ما اشتري لومينا او كامري استرالية .. وبعدين احصلها في الورش (طبعا باستثناء الكامري لانو من تويوتا D
بعدين اذا هو السيارة حقته مهي راسية
هذا لانو مافيها النظام ياللي قلت عليه eboddy
1.8 XLI مافيها لا ABS ولا حتى اي بودي ..
بس يمديه يركبه في الوكالة بس لازم تدفع مبلغ محترم جدا جدا جدا ..
بعدين يكفيك انو ماشاء الله تبارك الله .. قوة المكينة حقتها تطارح مع السيارات ياللي اكبر منها
ويكفي انو قطع غيارها متوااااااااافرة في كل مكان .. احيانا في البقالة تحصلها ــــهههههـــــ
ويكفي فخرا انو المرور مستخدمها في المرور السري .. يلقط السيارات عيني عينك
طبعا انا اقولها وبكل علن ..السيارة الاولى ياللي تنفع في الغرز
انا تحداني هوندا سفيك واكورد و كامري و تيدا ومازدا زووم في الغرز بين السيارات
والله ماقدر .. بقدرة من الله
والله ماقدرو
لانو الكورولا سريعة في الحركة ماشاء الله .. وسريعة التجاوب
انا من النوع ياللي خليت السيارة تمسك خطوط كثير ..وخليتها تقوى بالخطوط .. ونازل مطارحات مع الخليقة
مع العلم مالي معدل في المكينة الحمدلله .. بس مافي احد قدر عليها ..
الشغلة الوحيدة ياللي لقيت فيها عيب انو نفس الشكل عن 2006 و 2007 .. بس تغير الشبك
وماجاه معاها زينون و الفرش مهو جلد زي 2008
انا عشقي وحبي كورولاي للابد .. كان عندي وحدة 2005 ودحين 2007 الحمدلله
ومالي مفكر اغيرها ابدا .. الا اذا نزلت الكورولا XRS الرياضية (اذا ربنا رزقنا وكان للعمر بقية ان شاء الله )
فتوكل على الله .. ولايهمك
ولاتسمع ياللي يقلك تنسم هوا .. مهي ثابتة على الخط .. مهي قوية .. الشكل غبي ..
____ مع احترامي للجميع طبعا ______
والامر اولا واخرا يعود اليك ..
فتوكل على الله .. واستخر ربك .. وشوف ايش ربك كاتبلك
واحنا عطيناك النصيحة
اخوك \ طارق