اقتباس:
|
المشاركة الأصلية كتبت بواسطة مبتكر
اخوي سوي اللي بقولك وراح تطول معك الفحمات ..
اذا كان قدامك اشاره هدي من بعيد بدون مسك الفرامل علشان تمسك الفرمله على سرعه خفيفه ..
لاتمسك الفرامل وتشد عليها وانت مسرع سرعة عالية ..
حاول انك تتفادى أي فرملة قوية مفاجئة لانه بتأثر مره على الفحمات والهوبات والكفرات .. |
عزيزي مبتكر الطريقة الي انت تقول عليها ممكن توفر عليك خمسه الاف كيلو او خلنا نقول ثمانية الاف كيلو
لكن الطريقة هذي فقط يستحيل انها توفر عليك 70 الف كيلو او حتى40 الف كيلو
لاحظ بعض الشباب في المنتدى الي يقول ما اغيرها الا كل40 الف كيلو والي يقول للحين ما غيرتها وانا ماشي30 الف كيلو ومن هالكلام
والحين جاي اخونا تركي الطيار في الرد الاعلى يقول انا ماشي80 الف كيلو وغيرت الفحمات بعدها فقط
وعندي سؤال لاخونا تركي الطيار بس اتمنى يجاوب عليه باهتمام
اول شيء هل فيه احد يستخدم السيارة غيرك يعني مثلا ممكن يكون الوالد غيرها وانت ما دريت او هل حصل صيانه للفرامل قبل هذا ؟
ثاني شيء ترى80 الف كيلو ماهي سهله اتمنى تعيد فيها النظر الا اذا كنت تتردد يوميا في طريق سريع عشان دوامك مثلا فهذا ممكن يكون سبب في تاخير الفحمات حتى قطعت هذي المسافه الكبيرة جدا الي اول مره اسمع فيها !
واذا كان بعض الشباب يغير الفحمات كل10 الاف كيلو وبعضهم يغيرها بعد اكثر من50 الف كيلو فهنا لغز يحتاج حل ومستحيل يكون السبب هو الاستخدام لانه مهما كنت تستخدم الفرمله برفق فانت تستهلك فحمات مثلك مثل غيرك واذا كنت ترفق على الفحمات راح يفرق معك 20 الف كيلو كحد اقصى عن الشخص الي يستخدم الفرمله بعنف
وانا اتوقع والله اعلم اذا كان كلام بعض الشباب صحيح عن قطع مسافات طويله قبل تغيير الفحمات تصل إلى50 الف كيلو واحيانا80 الف كيلو فهنا لغزززززز يحتاج الى حل وهي مشكله في نظام الفرمله لكثير من سيارات الافالون
اشوف بعض الشباب الي ذكرو ان الفحمات تطول معهم في المنتدى يقولون غير زيت الفرامل عند اي ميكانيكي وراح تنحل المشكله ويطول استهلاك الفحمات ويظبط الفرامل وراح تلاحظ الفرق في الفرمله بعد تغيير زيت الفرامل فقط
هذا كلام بعض الشباب الي يقولون ما نغير الفحمات الا بعد اكثر من40 الف كيلو
ولا استبعد ان تكون الشركة تعمدت ذلك لتستفيد منك ماديا يعني ممكن تكون شركة تويوتا بطريقة او اخرى تعمدت اخطاء في بعض مجاري الزيت ليقوم بالضغط على الفحمات بحيث لا يظر السيارة ولكن يقوم باستهلاك الفحمات بشكل مستمر اثناء سير السياره حتى بدون الفرملة احيانا
ولاحظ ان الوكاله في كل مره تروح تغير الفحمات يقولون لك الهوبات تحتاج خرط
ليه تحتاج خرط وانا جاي قبل تخلص الفحمات بشوي ! ! ! ! !
انا لو كنت في مكان صاحب شركه تويوتا ولا اخاف الله مثلا لفعلت هذا لاجعلك تاتي كل شهر او شهرين تغير الفحمات عندي واستفيد منك في كل مرة
اشكرك وتقبل تحياتي