[رنديفو]

أخوي متفائل بن فال
اشكرك على الطرح الرائع لهذا النقاش والحوار الذي من المؤكد اهميته لكثير من الاعضاء الكرام

طريقة اقتنائي للسيارة :

والله اني عانيت معاناه كل ما تطلب الوالدة اوديها البر اقول ياامي سيارتي ما تجمل وبعد ما ابي اكسر خاطرها اوديها واقعد قريب حول الناس عشان الطوارئ اذا غرزت طبعا سيارتي فورد غراند ماركيز والله انها سيارة مريحة بس عيبها البران وانتم عارفين سيارة دلع ومدينة وخطوط .... طوط

المهم اتضح ان الجيب الان من احتياجاتي رحت المعارض كنت ابيلي VXR او GXR

واكتشفت اسعار تويوتا المستعملة لاحظ كلمة مستعملة والله طيرت الفكرة كلها من بالي
طبعا جاري مدير صالة عبدالطيف جميل للسيارت المستعملة
كلمتة وقال والله اسعار الجيوب غالية
بس لاحظت معاة جيب أسود وشكلة مجنوون سألتة عنة قال هذا فورتشنر
قلت تبيعها طبعا احرجتة شوي.....!

وبعد فترة والله ياخوان صدق دق علي الرجال قال ابي ابيعها بس عشان يسدد القرض الي علية وياخذ قرض اكبر
والحمد لله كانت من نصيبي بعد ماكنت مستبعد فكرة امتلاك جيب

طبعا السيارة كل اكسسوراتها مركبينها شركة عبداللطيف بحكم ان الرجال شغال عندهم وله نفوذ

السيارة موديل 2006
VX2
العداد 14000
اللون اسود
مركب بلوتوث وكالة
DVD بنصف السقف
غطاء شمعات اسود من الوكالة
المهم كلفتني السيارة والله 80,000 ريال
الحمد لله السيارة اخذتها عن قناعة وتوفيق من الله
والسيارة تمنيت فيها اشياء كثيرة اهم شي عوازل الاصوات
فتحت سقف ومثبت سرعة للأسف ماتركب الا على موديل 2008
السيارة في البر الحمد لله ممتازة بدون اي دبل وبدون اي نمر
لانها هي نمر
طبعا وانت تسوق الناس طالع عليك وانت مرتز بالموتر
اعتبرها مفخرة الارض الثانية بعد اللاندكروزر

تحياتي