[مجاريح]

السلام عليكم ورحمة الله وبركاته
وحيا الله الجميع
ياشباب سيارتي لكزس es350 ولونها أسود
سويت لها تلميع من عند مركز عبداللطيف جميل اللي في البديعة ( الرياض ) لأني شاريها منهم .
المهم يأخوان أن ما أمشي على السيارة كثير يعني لها سنة وما مشت الا 8000 فقط ومن شريتها وما سافرت عليها أبد
لكن المشكلة إني لاحظت أن السيارة إي حجر صغير ( حصاة ) جداً جداً تلامس البدي لمس خفيف يكسر الدهان ويطلع مكانها لون أبيض ولأثر هو صغير لكن مزعج وعلى غطاء المكينة إذا كل حصاة بتسوي كذا .
هل تتوقعون أنه من التلميع أو طبيعي ... وأنا أشك أنه من التلميع .
وفيه شئ ثاني يقهر قطو ( قط ) مسوي لي أثر أو خدوش في الطرف العلوي من غطاء المكينة ( الكبوت ) . وهذا أتوقع مشكلة مرتبطة بالأولى .
فإذا المشكلة من التلميع أنتبهوا على سياراتكم
والله أعلم