اقتباس:
المشاركة الأصلية كتبت بواسطة وليد المسعودي
 و الله السراحة انا معي تمتايك ومتحسف عليه ::::
انا يوم ادور ما لقيت الا هو وكنت مستعجل شوي وخذته لكني تحسفت بعدين ::::
(( صحيح انه قوي ماشاء الله ولا يرده شي )) :::::
و السواقه بالقير الأوتو ماله طعم والله :::::
هذي وجهة نظري :::: |
هههههههههه المسعودي لأنك راعي نفود ومطاعس وراعي التماتيك ما يستانس
بالنفود كثر راعي العايدي طبعاً الكلام للي يبي يراقي ويجلد الموتر
أخوي صاحب الموضوع أنا سيارتي VX2 قير أوتو لسبب واحد وهو أني من سكان الرياض 
يعني أمسك الدائري بزحماته مرتين باليوم وكبري الخليج مرتين باليوم وبعد ثلاث طعش سنة خدمة ثانوي 
قصدي بعد معاناة من القير العايدي كان الأتو هو الخيار الأمثل لي.
لو مشاويري بعيدة عن الزحمة أو خارج مدينة الرياض كان أخذت العايدي وانا مبسوط.
والتوماتيك جيد ما عندك مشكلة في البر
طلعت فيه خطوط ونفود وتوي جاي من الساحل صيد وفلة حجاج وراعي الصيد عز الله انه يستانس على التوماتيك خاصة لا صارت ام خمس بجنبك وخذ يارمي وانت تسوق منت فاضي كلتش وقير ورد نمرة
بالنسبة للأربعة سلندر مع واحد من الربع قير أوتو والسيارة رائعة جداً
لاحد يقولك عزمها ضعيف عشانها أوتو أبدا كلام غير صحيح السيارة جيدة
وعلى فكرة إذا فكرت تبيع سيارتك مستقبلاً في الرياض التوماتيك صار هو الأرغب عند الناس ويفرق معاك في السعر
وخارج الرياض وخاصة جنوب المملكة القير العايدي الأرغب عند البيع.
أتمنى لك التوفيق ولا تضغط نفسك في المبلغ وين ما تطيح رجلك تراها تبي تطيح بموتر جيد
مع مراعاة احتياجك ومشاويرك خاصة الدوام إذا زحمات توكل على الله ولا تردد في الأوتوماتيك
وتقبل تحياتي