[علي الشــلاّحي]

أعجبني موضوعك ,,

ومشكوور عليه ,,

انا كان عندي

مرسيدس S-Class 350 موديل 2004

وسويت حادث عليها قبل لاأشتري اللكزس ES

يعني " ............ "

من 2006 لحد 2007
مرسيدس اس كلاس 350 موديل 2004

ومن آخر 2007 لحد 2008

اخذت صغيره عائلة لكزس ES350
ومن كم سبوع استلمت سيارتي الجديدة LX570

==========

ومن ناحيه الرساوة وبكل صراحه لكزس ثابته جدا ً وتتعدى مرسيدس بالثبات ,, وهالكلام عن تجربه ,,

ولكن ,, هذا الكلام اذا قارنت مرسيدس S Class مقابل لكزس LS <*****

ولكن اذا بتقارن ES مع الـ S Class ف بكل تأكيد المرسيدس اقوى بكثير

بعطيك مثل

من الشتى الي فات واثناء المطر اشتغل معاي ABS بالـES اكثر من مره بساعة واحده فقط ..

لكن مع المرسيدس ماأذكر الشتغل ولا مرره ,, مع العلم ان استعمالي واحد لكلا السيارتين

============

ومن ناحية LX570 هالسيارة جميلة جدا ً .. وممشاهها جدا ً رائع بالنسبة لسيارات SUV

ولكن فاجأتني بشغلات سلبيه جدا ً ماتوقعتها فيها ,, والي اهمها بالخط اذا تعديت 160 مؤخره السياره تلعب اذا كان في هواء ,,

نزلت الهيدروليك الى اقصى حد وللأسف صارت سلبيه زياده صارت تناقز سياره على اي مطب خفيف !!

بالأضافه الى الشغلات العادية مثل عدم توافر الزنون الواطي ,, يعني مافيها زنون الا بالعالي ,,

والسياره اذا جاتك من بعيد تشعر انها باجيرو ستاندر 2007 جايك !! ,,

ماأبي اطيح بسوقة لكن هذا الي شفته ووصفته لكم ,,

ولكن يبقى شي مهم ان هالجيب مازال الأفضل ومستحيل هالشغلات البسيطة تلعب فيه حتى وان كانت مهمه ,,

يبقى اسمه لكزس ..

اشكرك اخوي ..

===========================================

ملاحظة : قياده ورساوه الـ ES تشبه قياده ورساومه مرسيدس CLS350
وانا أتحدى اي واحد عنده أختلاف بهالكلام اذا كان مجرب السيارتين !!