[منخش ورى امي]

أسعد الله أوقاتكم بكل خير
مشكورين شباب على جهودكم في سبيل رقي المنتدى

الفزعه يا جماعة الخير

سيارتي عيت تشتغل
كلش
السالفه وما فيها
كنت مسير على واحد وبعد ما طلعت من عنده جيت
ابي اشغل اسياره ( اوريون 2007 كاملة المواصفات) اضغط الزر
مو راضيه تشتغل
قلت يمكن بطاريه
سويتلها إشتراك
اشتغلت دقيقه وبعدها طفت اول ما كنت ابي احرك
سويتلها إشتراك ثاني
مو راضيها
يابنت الناس
فشلتيني عند خويي وهو سيارته فورد
اشتغلي مو راضيها
وانا ابي احاول اشغلها
يطلعلي مسج بالطبلون
check VSC system
المهم قلت يمكن البطاريه انتهت
مع ان السياره قبل شهر كملت سنه وتوه ماشيه 43 الف( ما شاء الله)
بدلتها من عند اقرب بنشرجي بي اي سي دلكو
طبعا نفس الحجم
الكلام هذا صار لي امس بالليل
يوم بدلة البطاريه
السياره اشتغلت
كل شي اوكيه
حطيتها بالدي
ادوس بنزين ولا كأني دايس بنزين
في مكانها
الضغط يالله يوصل 2
ونفس المسج طالع عندي
وبالطبلون
طلعلي صورة سياره كانها تفحط :-)
وصورة راس المكينه البرتقالي

شي غريب اللي صارلي
ما ادري
هالسيارات الالكترونيه
هل من تفضى البطاريه عندك
تأثر بالسستم مالك
ولا شالطريقه

أرجو الافاده
لكي تعم الفايده ويستفيد الجميع

وآسف على الاطاله