عدد النقاط : 1053
بسم الله الرحمن الرحيم جايلكم اليوم طريق اتصال البلوتوث من الجوال الى السيارة ونقل الارقام بالصور طبعا اول شي شغل السياره وشغل بلوتوث الجوال اضغط على الزر التحتاني يسار الشاشه مكتوب عليه Info ثانيا اضغط على صورة الجوال اللي في الشاشه وبعد كده اتبع الصور.... زي ماهو موضح في الصورة الضغط على كلمة Sittings اذا وصلت لهادي المرحلة سوي بحث بالجوال عن الاجهز ه الجديده في البلوتوث راح يجبلك جهاز جديد اسمو زي الاسم اللي في الشاشه سويله اقتران راح يطلبك رقم سري اكتبلو نفس الرقم السري اللي عندك في الشاشه مثلي انا اسم السيارة Lexus is 300 ورقمي السري 9999 انت تقدر تغير على كيفك المهم بعد ماتسوي اقتران بالنسبه للنوكيا لابد من الخطوه هادي تضغط خيارات وتختار اتصال راح تجيك في شاشة السيارة ان الاتصال بجوالك اكتمل طبعا بالانجلش اذا جبلك الكلمة هادي قبل الخطوة الاخيره فخلاص لا تسوي الخطوه الاخيره المهم دحين طريقة نقل الارقام من جوالك للسيارة للمعلومية الاسماء لازم تكون بالانجلش اذا كانت بالعربي ماراح يكتبلك شي طبعا نعيد من البداية اضغط على الزر التحتاني يسار الشاشه مكتوب عليه Info ثانيا اضغط على صورة الجوال اللي في الشاشه وبعد كده اتبع الصور.... وبعدين نضغط على فون بوك زي ماهو في الصوره طبعا المجموعات اللي تبغاها تحددها او تغير اسمها براحتك انا ماسويت مجموعات فأخترت هادا آخر صوره هي اذا وصلت هنا روح على جوالك على قائمة الاسماء وحدد الاسامي اللي تبغى تنقلها او حددها كلها ( لابد ان تكون باللغة الانجليزية ) وسويلها ارسال بالبلوتوث على بلوتوث السيارة ولما ينتهي من النقل راح يجبلك في شاشة السيارة كلمة بمعنى تم النقل هذا ما اردت ايضاحه لسعادتكم ولكم مني جل احترامي وتقديري واي سؤال انا تحت امركم والسلام عليكم ورحمة الله وبركاته