( ( ( تم التحديث ) ) )
السلام عليكم
احب اشكر اخوي جي ال اي على الشرح للكامري من 2003 الى 2006 ويعطيك الف الف الف عافيه
اخواني بعد موضوع الاخ بروك جزاه الله الف خير حاولت ابطل الدرج ولكن بلا فائده وقريت الكتلوج وهم بلا فائده
والله العالم ان الاخ ملفت الانظار شرح الطريقه شرح بسيط الا وهي اخراج الدرج من الجوانب اي ضغط الجوانب حتى تخرج البلاستك السوده اللي داخل الدرج وراح ينزل معاك
وتفضلو شوفو الشرح 
لاتنسون تذكرون الله
وتشكرون بروك وملفت الانظار
ضغطه من على الجنب مع السحب حتى تخرج هذي البلاستك السوده
ونفس الكلام من الجنب الثاني ولكن تسحبه الى جهة اليمين
صوره لدرج بعد انزاله
والان نأتي للمرحله المهمه والخطوه هذي اثناء فك الغطاء وارجاعه مايحتاج اكررها
اضغط الكلبسات اللي على الجنب وهي مرقمه برقم 1
وعند اعاده غطاء الفلتر (البلاستك) انتبه ان رقم 2 كلمه up موجوده
وانتبه واحذر ان كلمه up برقم 3 الى الاعلى
صوره تبين وصاخه الفلتر والله كان فيه بلاوي غبار ووصخ يعلم فيها الله الظاهر انه مسدود
طبعا التنظيف كان اول شي بنفظه ولكن خفت لايتقطع لانه هشش فجبت السسشوار ونفظته فيه وصراحه نفتطه مضبوط والصوره خير برهان
صوره اخرى تبين نظافه الفلتر قبل عمليه رش العطر وهيا اختياريه يعني اذا تبي تتخلص من الرائحه الكريهه عند تشغيل التكيف انصحك فيها
اثناء القيام بتعطير الفلتر
ملاحظه اذا كان العطر رش انصح بالاكثار من الرش في كل مكان يعني كثر واذا كان نقط كدهن العود نقاط بسيطه في المنتصف
صوره لارجاع الفلتر وكلمه up فوق
سكرت البلاستك
الفك كان الساعه 4 او 5 والله مو متاكد لكن فرق معاي شغلات واجد
1- دفع الهواء اصبح اقوا يعني تحس بالهوا وتسمع صوته
2-البروده زادت على عكس قبل ماحس بالبروده مجرد هوا حتى لوكان المغرب ماتبرد الا بالخط الحين تبرد وهي واقفه
3- تحس الهوا اللي يجيك نظييييييييف عكس قبل كان دايم يدمر علي السياره كله تراب
4- انصحكم بأسبتدال الفلتر مع صيانه ال30 الف كما هو مكتوب بالدفتر ان ماخاب ضني
في الختام مايسعني الا اني اشكركم على حسن المتابعه
واقل شي اتمناه منكم الردود اللي تبيض وجهي
اخوكم :. خالد ,,,
ملاحظه تم أضافه طريقه تعطير الفلتر
(( تم اضافه شرح جديد )))