الأفالون & IS .. مافي مقارنة بينهم ابدا من حيث المستوى ..
كل وحدة فيهم شكل و نوع مختلف وينتمون لفئات مختلفة ..
الأفالون سيارة رسمية عائلية كبيرة الحجم بإمتياز وهي تنافس كل من:-
- نيسان مكسيما
- شفرولية كابرس
- كرايسلر 300C
- فورد كراون فيكوريا
- لنكولن تاون كار
و هكذا ..
- أبرز ما تتميز به هو رحابتها و وسع المساحة الداخلية ..
- بها نظام صوتي محيطي رائع و نظام تدفئة وتبريد + ذاكرة لـ المقاعد ..
- قيادة مريحة وسلسة على السرعات المنخفضة والمتوسطة (مثل راحة الأمريكي) ..
- الوكالة تقدر تضيف لك شاشتين وراء "السيت" نفس كابرس رويال ..
سعرها اليوم (مع ارتفاع الأسعار) في الوكالة ، حوالي 135 الف ر.ق (مع شاشتين وره) ..
الـ IS سيارة رياضية شبابية فخمة صغيرة الحجم .. من مستوى كل من:-
- كاديلاك CTS
- إنفينيتي G سيدان
- أودي A4
- بي إم دبيليو - الفئة الثالثة
- مرسيدس C كلاس
- تجهيزاتها التقنية و المكانيكية رهيبة و ممتازة وتعتبر الأكثر في فئتها ..
- تتميز بنظام الدفع الخلفي للعجلات وأنظمة قيادة وأمان عديدة ..
- قيادة رياضية و ممتعة تمنح ثبات و رساوة اكبر لسائقها على السرعات العالية ..
- اسمها وشعارها لكزس 
! انت تشتري "براند" على قولتهم .. شيء سبشل !
سعرها (فل أوبشن) اليوم في الوكالة ، حوالي 162 الف ر.ق (155 الف ر.ق بعد الخصم + تأمين ضد الغير) ..
و هنا مقارنة سريعة بين لكزس ES (القريبة من الأفالون) و لكزس IS:-
http://www.toyota4arab.com/forum/319799-post9.html
http://www.toyota4arab.com/forum/319800-post10.html
كلهم حلوين واختيارك يعتمد على ميولك و رغباتك ..
روح عبدالغتي ، شوف و جرب السيارتين و اختار اللي يريحك و يعجبك انت ..
الله يوفقك ولد بلادي ..
تحياتي
ليكزي