بعد التحية والسلام / يا شباب زميلي كلمني اليوم ويشتكي من الكامري ويبي حل عاجل فرجاء افيدونا بحكم خبرتكم الله يعطيكم الصحة والعافية :
الكامري 2008 اوتو بدون فتحة . المشكلة العويصة صوت الهواء المزعج لدرجة كانك فاتح النوافذ
القضية ترى معقدة لانه راح الوكالة وغيروا جلد الزجاج ( الربل ) ونفس الشئ طلع معاه المهندس قالوا واضح الهواء مزعج بشكل كبير وجاء معاه الموظف وجربوا سيارة الموظف كامري 2007 وعادي كويسة لكن سيارة زميلي ازعاج يا اخوان الرجال تورط ايجار تمليك ولسه طلعها توها ماشي 2000 كيلو اشتكى على قسم الشكاوي بجدو وقالو راح يكلمك مدير المنطقة ... المهم جرب سيارة ثانية 2007 يقول تنسيم خفيف لكن في سيارته ازعاج لدرجة ينزل يحس بألم في اذنه والله احيانا يقول احسب النوافذ مفتوحة فعل هذا كله تنسيم معقولة ؟؟؟؟؟؟
ورجع للموظف في وكالة الاحساء واكد له ان المشكلة واضحة جدا وغير موجودة لدى الاخرين المهم الموظف ركب معاه واقتنع وقاله الله يعينك على السيارة ... والحين المشكلة عندكم يا اصحاب الخبرة والكامري ياليت تعطونا الحل الصائب ..
س: هل الوكالة تغير السيارة اذا كان عيب مصنعي ام ننسى الموضوع ؟؟؟؟
س : اذا كان تتصلح وهذا الاقرب لكن ايش المشكلة وما هو حلها ؟؟؟؟؟
عذرا على الاطالة بس الرجال كل يومين او ثلاثة وهو يسالني وانا ما جربت الكامري ...فهل تساعدونا والله يكتب أجركم
أخوكم / ذو الوشاح .,. .