[الحجيلان]

بسم الله الرحمن الرحيم

السلام عليكم أخواني الأعضاء .

حبيت أوضح لكم الفرق بين كامري ( جي إل 2007 ) و ( جي إل 2008 ) طبعا مواصفات عبداللطيف جميل ..

طبعا اللي أعرفه ومتأكد منه إن موديلات 2007 كان أبو جميل يجيبها على الترتيب الآتي :

( جي إل - جي إل إكس - جي إل إكس فتحة - إس إي ) مع العلم إن GL كان يطلبه نوع واحد وهو يسوي فيها تعديلات هنا بالسعودية وخلاها 3 أنواع كالآتي :

1 : ( GL - FLEET ) : وكانت بنفس مواصفات الـ GL العادية لكن الفرق إن الفليت كان ينزله أبو جميل للسوق بدون حساسات أمامية وخلفية وطيس شكلها غير وكان فرق السعر عن الجي إل العادي 1000 ريال وأكثر مبيعات هالنوع لشركات التأجير وTAXI ويبيع منها للعملاء حسب رغبته ..

2: ( GL ) عادية: زيادة عن النوع اللي قبل حساسات أمامية وخلفية وزي ما ذكرت فرق السعر 1000 ريال .

3: ونزل أبو جميل نوع في وسط السنة اسمه ( LIMITED ) - وتم إلغاؤه في 2008 - ويتميز بوجود ريموت وستارة خلفية يدوية . وفرق السعر 500 ريال عن الـ ( GL ) و1500 عن ( GL FLEET ) ...

إلى ألحين كل شيء معقول وعادي وفرق السعر يمكن يكون أقل في المعارض لكن في عام 2008 تغير الوضع وصار يطلب الـ ( GL ) نوعين :

1: GL FLEET ( شركات ) : وتم الإستغناء عن كثير من مواصفاتها أي صار الفرق بينها وبين الـ GL العادية واضح ومن المواصفات اللي ماصار تطلبها الشركة و ما توضحها لكثير من الناس هي :

1 / طلب السيارة بدون زينة كروم على الشبك الأمامي . ( كانت هذي المواصفة متوفرة في 2007 ).
2/ طلب السيارة بنياكل جانبية بدون كروم . ( كانت متوفرة في 2007 ).
3/ نسافات سوداء . ( كانت ملونة في 2007 ).
4/ دعاسات مطاطية من مستودع الخمرة ( قماشية نفس GLX في 2007 ) .
5/ بدون فرشة لحماية الشنطة .( كانت متوفرة في 2007 ) .
6 / مع الإبقاء عليها بدون حساسات ولا ريموت تركيب محلي .

2 / GL عادية : وزادو على مواصفاتها ستارة خلفية يدوة وريموت وألغوا مسمى LIMITED .

والغريب إن السعر ارتفع رغم هذا التنتيف يعني غش بطريقة احترافية وترى السيارة مطلوبة حتى من عامة الناس يعني ماهي حكر على الشركات لكن هم يسمونها كذا وحنا العامة نسميها ( سياحي - ستاندر )

اتمنى يكون التوضيح وصل لكم وإن شاء الله نكون عند حسن الظن .