[وليد الخالدي]

سلومي الديرة حياك

هذي سومتك انت يالغالي وكل انسان يسوم بلي يقدر عليه

بس هي انسامت يالغالي وانتهى الأمر , وبإمكانك تتأكد بنفسك هذا كلام مااجيبه من راسي , ولو انا فرحان بسومتها بحكم انك تقول ماتجيب غير 245 الف كان حصلتني بايعها من يومها

وتراني ماني شريطي جاي استهبل عليك او على غيرك , سيارتي جلست في المعرض اسبوع فقط وانسامت اول يوم دخلت فيه وظلت 6 ايام بالمعرض فقط والحين طالعة من اكثر من 10 ايام والسيارة تحت رجلي ويذكرونها لاي شخص يسال عنها ويعلمونه بكم انسامت وكم حدي فيها

انا نازل سوق وشايف السيارات واسعارها فيه الي انباع وفيه الي طالب اكثر بسيارته وسيارات فيها المرشوش وفيها المسمكر وفيها المعدوم من اثر الخطوط وسيارتي بقراطيس وكالتها للحين ويبونها تنباع بسعر المرشوش والمسمكر؟؟؟؟؟؟ اقول كيف الحال

احمد الله اني لاني محتاج او مظطر في بيعها وخل الكلاب المغلوثة (الشريطية) يزبدون , انا نزلتها بشوف كم تسوى فقط وبعد اسبوع رجعت من السفر وطلعتها , لعلمك الى يومك هذا والناس تتصل على المعرض يسألون عنها , ويروحون ويجون على 255 الف ماسكة معهم غلط وانا قايل للمعرض اقل من 265 الف ريال لاتكلمني

وانا عارف ان ذا السعر ماراح يناسب شريطي لانه مايوفي معه بس بيناسب الشخص الي بيستخدم اذا ركب وساق وشيك

بعدين وش فيك داخل تحدي وش الي محرق رزك يااخي حر سيارتي وأحدها بلي ابي ولايجي واحد يقول شفت ارخص شفت احسن ولايقوم ويسوي فيها ناصح , يوفر نصايحه له الله لايهينه

بعدين لاتظن اني اكتب ذا الكلام بغرض البيع كلامي هذا فقط رد على احد الشريطية الي فقع مرارتي رده

بعدين نقطة مهمة الكزس سيارة شيك تمسك سعرها اكثر من غيرها مايختلف عليها اثنين , وانا اذكر ان الكزس اذا نزل بعده موديل يطيح من سعر الموديل الي قبله مبلغ مابين 30-40الف بالكثير , الحين وانا حادها ب 265 الف نازل من سعرها 60 الف ريال ويبون اكثر ؟؟؟؟؟؟؟؟

ادعوا بسلامة ان الناس ماعاد عندها فلوس مثل اول ولا كان ماوصلت مواصيل اللكزس لذا الاسعار!!!!!

تحياتي لك وشاكر لك اطرائك وهذا من طيبك انت