[الحجيلان]

أولا : ( 98 - 2002 ) نفس المواصفات لكن اختلاف الخطوط وحسب المواصفات يعني فتحة أو بدون ومن هذي الشغلات وفي 2001 زادوا حساسات خلفية واستمرت بقية الأعوام.

ثانيا : ( 2003-2005 ) تغير لون الإشارة الخلفية صارت بيضاء بدل البرتقالي وحسنوا شكل الطبلون والكونسول والمسجل والطارة وغيروا الجنوط صارت 17 بوصة . وفي 2005 تغير شكل الجناح في الخليجي وأيضا خشبوا طارة الخليجي وتغيير جيربوكس VXR وصار 5 سرعات .

ثالثا : ( 2006 ) عدلوا تصميم الأنوار الامامية والخلفية والشبك وحتى شكل الجنوط وأضافوا شاشة ملاحة للـVXR وشاشة ملاحة للـGXR أيضا اختياري وحسنوا شكل الجناح للخليجي أما السعودي كما هو كما حسنوا شكل الدواسات الجانبية وصارت دلع .

رابعا : (2007 ) غيروا شبك الخليجي وصار أحلى لكن بعض الدفعات جت بنفس شبك 2006 .

هذي لمحة بسيطة وسريعة للإختلافات وأتمنى إني وفقت فيها مع العلم إن السيارة واضح فيها الفرق بين الموديلات ورقم 1و 2و 3 معناتها فتحة أو ونش وخلفية ولو بتكلم بالتفصيل الموضوع طويل وما ألحق عليه مع إلمامي التام في مواصفاته الـلاندكروزر بكل أنواعه ...