[كورولا فور ايفر]

السلام عليكم ورحمة الله وبركاته

اول شئ اخوي من ناحية مقاس الجنوط 17 انش كويسه وتطلع شكل للسياره بس حط في بالك هذي الأشياء

ان الجنوط راح تخلي السياره ثقيله

فحمات البريك راح تستهلك اكثر حتى الهوبات راح تتضرر شوي لأن الجنط كبير بالنسبه للسياره والفحمات راح تضغط اكثر على الهوبات

اما مقاس الكفرات ركب 17\45\205 افضل شئ او 17\40\205 ... لأني انا مركب مقاس 17\45\215 مع التنزيله يحك الرفرف بالكفر لأن الكفر بارز شوي وصاير على حد الرفرف ويحك مع المطبات

من ناحية التنزيله مثل ماقالك اخوي ابعد عن اليايات السبورت لأنها تعدم عليك السياره من تحت وتعدم المساعدات

فأشتري يايات اصليه من التشليح وقصها لأنو اليايات التجاري ينزل اكثر مع الوقت وحط في بالك انك لا تسرع بالسياره كثيره في المطبات لأن التنزيل راح يسوي ضغط كثير على المساعد وممكن يخترب عليك مع الوقت " انا غيرت المساعدات الخلفيه بعد 3 شهور من التنزيل " .. بالنسبه لتنزيلتي خفيفه ... لفه قدام ولفتين ورا والتنزيل بشكل عام يضر بالسياره .. انا ماتحك عندي حتى لو فيه ركاب لأن جنوط 17 راح ترفع السياره شوي وماتحك الا اذا كان المطب مرتفع مره والكفر مايحك بالرفرف بالمقاس اللي قلت لك عليه ان شاء الله

بس كل هذا الكلام على المدى البعيد اهم شئ انك تحافظ على السياره من المطبات ولاتسرع فيها كثير

ارجو اني افدتك ... واي استفسار انا حاضر

تحياتي