2008 افضل بمراحل من 2007 وما راح اقول 2006 لانها نفس ال2007 بالزبط بس فرق الشبك الامامي كان بالعرض خلوه بال2007 بالطول
اما ال2008 عالم ثاني
تحسها كامري والله واحسن بعد
واحلى شي مثبت السرعه اللي تحلم تلاقيه بال2007 هاذي وبعد المكيف الالكتروني اللي شكله روووووووووعه
والعداد شكلها صار رياضي اكثر وصارت اوبتيترون يعني زي الاوريون والافالون
والمقود الجديد وزراير تحكم بالسيدي في المقود بعد انت لو شفت المقود حقها مافي فرق بينه وبين مقود الكامري والاوريون نفسه بالظبط بس يفرق شوي بالزراير
وبعد شكلها الخارجي مررررره حلوووو واحلى بكثير من ال2007 وخصوصا الفل 1.8GLI صدقني ال2008 احلى بجميع المجالات انا ما اقول الكلام هادا عشان معاي ال2008 لا لا بس والله العظيم انها كشخه واشوفها في نظري ونظر معظم الناس احلى بكثير يفكي انك يوم تمشي بالشارع راعيين الكوامري يشكون بحالهم والله العظيم هههههه مع احترامي لملاك الكامري طبعااا
بس 2008 واخدا شكل كبير من الكامرري وهاذي يكبر من مكانتها و تصير فوق فوق ههههههه
وبعد في ناس كثير تندمت انها شرت ال2007 يوم شافو ال2008 ومواصفاتها الخياليه اللي ماكان حد يتوقعها بالمررره
وبعد ال2008 جنوطها اعرض من ال2007 ومقاس التواير اعرض بعد 205 ورنج 16
وال2007 الفل رنج15 تواير 185
انا عندي 1.6 رنج 15 تواير 195
شفت كيف فرق
وهذا يفرق كثير بالثبات حق السيارة
2008 ارسى بكثير من ال2007 لان توايرها عريضه ورنجاتها وبعد جسم السيارة نفس اعرض شوي راح تلاحطونه اكثر من المقدمة (الواجهه)
وميزات كثير بعد والله مايفيني ليل بكرا وما تخلص
تصدق ان اللي عندي 1.6 فل اوبشن XLIاشوفها احسن بكثير من 2007 GLI 1.8 يعني صراحه اللي عندي فيها مميزات اكثر بكثير وبشكل ملحوظ بس فرق وحيد هوا المكينه حقتي 1.6 وذيها 1.8 وتقريبا الفرق موب كثير نفس بينها وبين ال1.8
يعني اللي 2007 فرق المكينه بين الاثنين كبير 1.3 و1.8 شوف كيف الفرق كثيررررر وال1.3 بعد ال20 الف يشتكون من ضعفها وخصوصا الجير الاوتوماتيك
يعني بمعنى اصح ال2007 1.3 فاشله ولا حد يزعل من ذي الكلام
بس ال2007 تعجبني كثير وخصوصا الGLI 1.8 شكلها حلوووة كثير وخصوصا لو كانت لون اسود رووووعه
ومين اللي قالك ان ال2008 استرالي ههههههه
ال2008 ياباني 100% وبعد مكتوب على الشاصيه حقها والكورولا ياباني وراح تظل ياباني بإذن الله
بالنسبة للمكينه ففي فرق في الاحصنه وهو 5 فقط بين الاثنين وهذا احسه موب كثير يعني
ال2007
135 حصان
ال2008
130حصان
بس ال2008 بالقومه قوووووووووية مره ولا حد يعترض بس ليك عليها ثقل شوي لما تشد معاك لانها اثقل من 2007 ب25 كيلو انا اتكلم عن ال1.8 GLI
فرق الاحصنه بين ال1.6 2008وال1.3 2007 كالتالي
ال2008 1.6
107حصان
ال2007 1.3
82 حصان
شوف فرق كبير جدا جدا وطبعا فرق في الليترات بعد كبير 300 سي سي يعني موب شوي
والاداء حق ال2008 للمكينتين 1.6 -1.8 مره حلو وهادي ويعجبك ومايفشلك ان شاء الله
وهذا كل شي عن اللي طبته
طولت عليك كثيررررر كثيرر بس حبيت اعطيك رأيي
وهذا في الاول وفي الآخر رأي وكل واحد له رأي وإختلاف في وجهات النظر والقرار يرجع لك بعد وتقبل مروري اخوك كنج الغرام