حاليا vxr حوالي 153000 الف درهم موديل 2005 اما واصله من الامارات لين السعوديه ما عرف بس الي اعرفه اذا اول مره تاخذ سياره من اي دول الخليج وتبغي ادخلها ما يخذون عليك جمارك اما المره الثانيه فيأخذون عليك جمارك.
أما بالنسبه لخطوط 2005 بصوره لك وبرسلك ايها على المنتدى أما بالنسبه لدف لوك هوعباره عن قفل في الدفريشن الي ورا يوم اتروح البر وتغرز وشفت التواير اللي ورا واحد منهن ايدور والثاني ما يدور اتشغل الدفلوك فيقوم الدفلوك بقفل الدفريشن الي ورا ويدورن التواير كلهن فيساعد على تحريك السياره الى الامام وهوه مفيد وايد بس الدفلوك الي كان افضل هوه دفلوك التابع للموديل القديم الي هوه 97 لان دفريشن قدام ورا فيوجد دفلوك اثنين قدام و ورا اما الجديد من بداية 98 الى 2006 بس ورا لان قدام مافي دفريشن يوجد قدام مقصات والدفلوك ما يركب قدام يبيله دفريشن مثل الي ورا